أخر الأخبار
الرئيسية » تقارير » أسباب خسارة الأهلى من المقاصة

أسباب خسارة الأهلى من المقاصة

خلينا نتكلم كفنيين :

 

أسباب  خسارة الأهلى من المقاصة 

– بعد ماتش انبى سألت هو الأهلى هيخسر ازاى لا اللى بيدافع قدامه نافع ولا اللى بيهاجم نافع !! ..
– ماتش المقاصة اعطانى نص الإجابة فالفوز على الأهلى يتطلب وجود فروقات فردية للمنافس فى خط الوسط الهجومى تفوق قدرات لاعيبيه بصرف النظر عن طريقة اللعب .. المقاصة كسب لان عنده خماسى هجومى رهيب يتفوقوا على اى خط وسط دفاعى لكن فى نفس الوقت المقاصة عنده خماسى دفاعى كارثى ..
– المقاصة فريق رائع فى النصف الهجومى للمنافس و سئ جدا فى نصفه الدفاعى .. صحيح بيضغط عالى بطول الملعب لكن بمجرد ان الكرة تعدى و توصل نص ملعبه بيتحول لفريق متواضع و اللى بيعمل التوازن بعض الشئ وجود هانى سعيد اللى بيتحول فى الحالة الدفاعية الى ليبرو لثلاثى الوسط و احيانا الى ليبرو صريح ورا ثنائى الدفاع الأسوأ فى مصر سامى و مودى .
– الاهلى مكسبش النهاردة لسببين اولا تفوق هجوم المقاصة على دفاعه و ثانيا عدم البدء بمؤمن زكريا و التأخر فى تغييره لان مؤمن تحديدا خطورته فى تحركاته العشوائية فى ضهر الدفاع كان هيزعج دفاع المقاصة المتواضع .
– عماد سليمان برغم انه اعاد التوازن للمقاصة بعد فترة مع المتواضع مؤمن سليمان لكن الفريق فى مشكلتين برضه مستوى الدفاع بالكامل و عدم وجود بديل كفء و فيه مشكلة عند العمدة انه بيتأخر فى التغييرات و هو كسبان .
– ايريك تراورى احد افضل اللاعيبة فى مصر و لازم يجى الزمالك و زى ما قلت على محمد مسعد حظه وحش و مخدش فرصة فى الزمالك .

 

محمد كمال

اضف رد

لن يتم نشر البريد الإلكتروني . الحقول المطلوبة مشار لها بـ *

*