أخر الأخبار
الرئيسية » ثقافة » مجتمع_القهوة

مجتمع_القهوة

بيقعد عالقهوة لوحده ويتفرج عالناس و يسمع حكاويهم اللي مبتخلصش بس عمره ما شاركهم حكاية ، بيشرب قهوته السادة مع ماية سقعة متلجة ، ويفضل يراقبهم باستمتاع غريب، يعني مثلا مثلا الراجل اللي هناك ده عليه اقساط و مش عارف هيدفعها ازاي بعد ما العربية اللي شغال عليها اتخبطت والخبطة باينة علي ملامحه المتكرمشة من الهم ، واللي هناك ده فاته قطر الجواز -علي حد قوله- فبيلعب الدومينو عالمشاريب مع المتجوزين ويكسبهم فيبان نشوة الانتصار في عينه ، أما بقى عم إبراهيم ده ولاده كلهم مسافرين وسايبينه لوحده ومحدش بيسأل عليه، ومع ذلك بيلتمسلهم الاعذار في كل مرة حد يخرج عن شعوره و يشتمهم، كل اللي فالقهوة بيحبوه لو مجاش يوم الناس تسأل عليه ويكلموه يطمنوا، التلاتة اللي هناك دول عيال في ثانوي بيشيشوا بعد ما قرروا ميحضروش الدرس ويضربوا الفلوس في جيوبهم وكل واحد بيحكي نصب علي أهله في كام ، اما هو نزوله القهوة كان مبني على استشارة سمعها بتقول ‘ إن حكاوي الناس عالقهوة هتعلمك الحياة’ وقد كان .

محمد نبيل

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

بــنــت الايــه

بــنــت الايــه وما احلاكى يا بنت الايه وعجبانى انا بندة وانتى اكيد سمعانى وليه انده ...