.

.

أحمد شحاته يكتب :حملة ابدأ بنفسك وبمنطقتك

أحمد شحاته يكتب :حملة ابدأ بنفسك وبمنطقتك

فكرة جميلة للناس اللى عايز تبنى وتعمر بلدها تعالوا مانسمعش ومانديش ودننا للناس اللى عايزة تتكلم وخلاص ومعندهاش اصلا حاجة غير الكلام تعالوا نعترف ان مواردنا بقت محدودة وبنمر بظروف صعبة بس ياترى هنفضل ساكتين والله كنت ساكت زيكم بالظبط على اللى بيحصل لينا بس النهاردة كنت فى مدينة 6 اكتوبر وشوفت كم الانجازات والكبارى اللى اتعملت لاقيت نفسى بدون مااشعر بقول عمار يامصر ومش ممكن هتقعى ابدا طالما فيكى شعب وجيش وشرطة بتحب بلدها وقولت لازم نستحمل علشان بكره والله اللى شوفته حاجة فوق الخيال ميعملهاش غير ابناء مصر وجيش مصر الابطال وتحت قيادة واعية رشيدة تعالوا ننظم نفسنا ونكون مجموعة فى كل منطقة تلم جنية واحد بس من كل واحد موجود فى المنطقة وتتشال الفلوس ننور بيها شوارعنا نساعد بيها فقرائنا نساعد الغير قادر نشجر شوارعنا نرمم المدارس المحتاجة ترميم ويكون رصيد لاى كوارث تحدث فى المنطقة ونساعد الدولة ونساعد رئيسنا ومنستناش كل حاجة من الدولة والله لو عملنا كدة باخلاص وحب لمنطقنا هنبقى احسن ناس وفعلا هنبقى اد الدنيا تعالوا نسمى الحملة ابدأ بنفسك وبمنطقتك اولا ولازم ننجح ونبطل كلام وده مش تطبيل لحد ده اللى لازم يتعمل ومش عيب اننا نكمل المسيرات ونقول للعالم كلة مصر هتبقى اد الدنيا ولكل الدنيا فهيا يا شعب المطرية العظيم ننفذ الفكرة ولازم ننجح وانا اولكم بدعوا جميع رجال ونساء عزبة شلبى والقائد والريس وعرفات اول وتانى ورجال شلش الابطال والنور لتبنى هذة المبادرة والتنفيذ من النهاردة تحت قيادت رجال مخلصين محبين لتراب المطرية يثق فيهم الجميع ولنكون رجال افعال ولا نلتفت الى من يتحدث وليس بيده شىء غير الحديث وتحيا مصر ويحيا شعب المطرية العظيم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE