.

.

مربعات

مربعات

اوعاك تأمن لندل

وقت الشدة يسيبك

وأزاى تصاحب ندل؟!

لساعة يكون حبيبك!

 

اوعاك تصاحب خسيس

الله الغنى عنه

لو ينفع يكون حسيس

مفيش رجا منه!

 

الندل لو يتعاشر

ماكنش ده حالنا

ده زيه زى المناشير

ياكلنا وعيالنا!

 

خسيس وصاحب جبان

شاركوا سوا فى نصبة

حراس ومسكوا الجبان

قام وإلتفاه بضربة!

لو يوم تصاحب صاحب

بس إوعى تصاحب دول

وإوعاك تقوللى ده صاحب

كل الحذر من دول!

 

فقير وقال للغنى قلبك بيمنعنى

صرخ وقال له: يادنى طلبك ده مش عندى

زعق الفقير لو سمحت حوشا النبيح عنى

رد الغنى: أيا كفى يوم ألتقيك عندى!

 

ثرى ياناس من بعد جوع ربنا كرمه

حس فى يوم وكأنه بقى عنتيل

فلاح بيحصد أرضه قام الثرى ظلمه

دعى ربه بنهار هلاكه كان بالليل!

 

حابب تعاير عاير!

بس قوللى تعاير مين؟!

تعاير اللى متعاير؟!

ولا اللى عمره حزين؟!

 

طبيب بيتعالج ونفسانى جه سأله

لما إنت نفسانى أيه جابك عندى؟!

قام الطبيب المريض بشويش كده وسأله

سنين بعالج الأمراض بس علاجى مش عندى!

 

شعر : محمد عبد الله

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE