.

.

فاطمه اليوسف تكتب: الإرهاب وسنينه

فاطمه اليوسف تكتب: الإرهاب وسنينه

مبدئيا كده الإرهاب مش إرهابى موت ودمار وبس فيه نوع من ارهاب الخوف وتعود على السكوت وده نوع ظاهر وبشده بقالوا فترات وكان بادي فى عصر مبارك ان محدش يتكلم ولا يقدر يفتح بقه ويقول لأ لحد مالناس كلها فضلت ساكته ساكته لحد ماانفجرت وكلها كانت على كلمه وحده يمكن عمر ماالمصريين مااتفقوا ولا اتجمعوا على كلمه وحده قد مااتجمعنا.. كلنا اتجمعنا  على كلمه ارحل. وده كان نابع من 30 سنه خوف وقهر بس سؤال ايام مبارك كانت بردو الكنائس بتضرب والايام ديه بردوبيحصل كده!! ايه الاختلاف اللى تم
يمكن دلوقتى السجون مليانه صحفيين كتير؛ مع ان مهنه الصحافة ديه مفروض شغلتها الكتابه يعنى بالبلدى القلم والله فى أقلام ألوان وأشكال وأسعار كمان فالقلم اللي مش عاجب حضرتك ماينفعش تقصفه وتقصف صحبه وترهبه لأن ده عمره ماكان ليه حل اعمل نفسك مش شايفه  وروح للقلم اللى بيفخم فى حضرتك ويضللك ويضلل الناس بس من الاخر مبقاش فى حد عبيط ف الزمن دا الزمن دا يمكن الطفل بقي انضج من لما كنت انت طفل فى سن حضرتك والحقيقه واضحه بس فيه نوعيه ناس بتحب تشوف الواقع المعروض بأنه حقيقه من حيث انهم  محتاجتين  امل وخلاص حتى لو الأمل ده  مش حقيقي
رؤساء العالم ليها ناس كتير بينقدوها عمرنا ماشوفنا ولا سمعنا أن نقابة صحفيين حصل قبض على صحافيين منها ولا شوفنا حد بينتقد رئيس فيتحبس ولا يتاخد ومنعرفش عنه حاجه واهى دول متقدمه وبتصنع وبتنتج؛ الكبت والسجن والكتم للصوت لو قدرت تكتم مره اتنين تلاته هيحصل بدل صوت هيكون صراخ وصراخ أشبه بكلمه عليا وعلى أعدائي والعمر واحد والرب واحد يمكن يحصل اكتر من الثوره على مبارك!
ولو سكتوا عشره هنلاقي واحد اتنين تلاته مبيخافوش وصوتهم بردو هيكون أعلى وأعلى من صوت العشره المهزوز
الفكره فى النقد أو الكره أو عدم الاتفاق على شخص ده شيء طبيعي وفطري جدا اولا انت مش نبي ولا رسول إذا كان هما عليهم أفضل الصلاه والسلام كانوا يؤدوا رسالات سماوية ممتلئه بالسلام والمحبه واختلف عليهم حتى اقرب الناس لهيم، مابالك بحضرتك جيت فى ظروف مش لطيفه وحصل حاجات مش لطيفه وانقسم الشعب وحصل إحباط واكتئابب وحزن على اللي ماتوا من جميع الجهات هل كام مليون هيتفقوا عليك؟ مفيش واحد الجميع متفق عليه دي الفطره وطبيعه الإنسان
#مازال للحديث بقيه

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE