.

.

مدونة المكياج رنيم عصام: بروفات الأفراح “ضحك على البنات””

1 min read

مدونة المكياج رنيم عصام: بروفات الأفراح “ضحك على البنات””

مبنصحش بالوصفات الطبيعية والعلاج الطبي أفضل

 

 

 

الازياء و ادوات التجميل كانت و لازالت من اولى اهتمامات حواء بداية من العصر الفرعوني حتى الان ، فلا توجد امراة لا تسعى الى كامل اناقتها و زينتها ايضا

و هو ما جعلنا نحاور مدونة الموضة و خبيرة المكياج ايضا رنيم عصام التي نجحت في دمج عالم الازياء بلمسات ادوات التجميل ، حاورناها لتخبرنا عن اهم النصائح للبنات

أجرى الحوار: داليا شمعة

و الى نص الحوار…

 

الناس عرفتك كموديل و بعدها مدونة موضة واخيرا خبيرة مكياج , احكي لنا ازاي التحول تم بالشكل ده؟

-أنا بدايتى كانت من خمس سنين كموديل و الموضوع بدأ بالصدفة بترشيح من صديقتى المقربة انى اعملها مكياج و هنا اكتشفت موهبتى و بتشجيع من صديقتى بدأت فى مشوارى كخبيرة مكياج بالتدريس و ليس الدراسة.

 

هل تركتى شغلك كمدونة موضة و تفرغتى للمكياج فقط؟

-أنا مستمرة في كوني مدونة موضة وخبيرة مكياج مفيش تعارض بينهم.

 

تصدرت الفترة الاخيرة فى عالم المكياج موضة المكياج الطبيعى ايه رأيك فيه؟ و هل بيليق على بشرة معينة؟

-أنا فى رأيى الشخصى لا أحبذ موضة المكياج الطبيعى و لكن فى الاخر كل بنت و ذوقها فى بنات بتفضل تظهر طبيعية و كأنها بدون مكياج و فى بنات تفضل تكون مختلفة , و بالتأكيد بيليق على كل أنواع البشرة و كل ألوان البشرة كمان.

 

بمناسبة الموضة هل المكياج له موضة زى موضة الازياء؟

-أكيد , فموضة الصيف تتميز بالألوان الفاتحة اما موضة الشتاء تميزها اكثر الألوان الغامقة… يعنى الاكثر موضة شتاء 2018 الزيتى و البنى.

 

هل تفضلى البروفة قبل الخطوبة \ الفرح ؟ ولا مجرد ما بتشوفى العروسة بتعرفى هيليق عليها ايه؟

-انا عمرى ما وافقت اعمل لعروسة بروفة لان عمر المظهر ما هيطلع واحد لانها مش بتكون بكامل مظهرها زى يوم الفرح و طبعا اول ما بشوف العروسة بعرف انا هعملها ايه و أكتر الألوان اللي هتليق على بشرتها فأنا من وجهه نظرى ان البروفة ضحك على البنات.

 

هل بتختلف ماركات المكياج حسب نوع البشرة ؟

-كل الماركات العالمية مخصصة لكل بشرة نوع يناسبها فبالتالى الماركة الجيدة بتناسب جميع انواع البشرة.

 

هل أنا كبنت عادية مش خبيرة مكياج لازم استخدم ماركات بأسعار غالية ولا ممكن اوظف مكياجي بأسعار قليلة؟

-طبعاً كل بنت و مقدرتها بس أنا فى رأيي الشخصى لو بنت مقتدرة انها تستخدم مكياج غالى و ماركة معروفة هيكون أفضل لان اى حاجة مش معروفة ممكن تؤذى بشرتها و تأثر على بشرتها فى المستقبل.

 

إزاي البنت تقدر تحدد نوع بشرتها؟

-تحديد نوع البشرة بيعتمد على الزيوت اللى فى الوش و ملمسه ومظهره.

 

بما انك مدونة موضة و موديل هل لازم البنات تلبس ماركات عالمية علشان تقدر تجاري الموضة؟

-الناس دايما بتفتكر ان مدونة الموضة لازم تكون بتلبس ماركات عالمية بمبالغ كبيرة انما انا وجه نظرى فى ازاى تلبسى صح مش جايبة لبسك بكام انا ساعات بشترى لبس من على الرصيف مادام هيبقى لايق عليا.

 

رنيم عصام تنصح البنات يحافظوا على بشرتهم إزاى؟

-أنا عندى وجه نظر إن الاهتمام الطبى افضل بكتير من الوصفات بمعنى ان لو بنت عندها مشكلة فبشرتها بدل ما تصرف فلوس كتير على الوصفات او على المكياج عشان تدارى عيوب وشها تروح لدكتور و تعالج بشرتها أفضل  ببدائل احسن من الوصفات زى البلازما و حقن الڤيتامينات للبشرة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE