.

.

رباعيات( مجنون )

1 min read

 رباعيات( مجنون )
=============
انا لون عينيا عسلى
——–مع انى ماليش فى العسل
وبحب كل الناس
———–ماتقولش ازاى حصل
ودمى كمان خفيف
————–واظن ليكم وصل
مره اكل كباب
————وعادى يكون بصل
تلاقونى مره اغنى
———–واكتب شعرى كأنى
فى دنيا تانيه خالص
————– يبقى حبيبى فنى
وابعت خيالى النجوم
———— ومعاه رساله منى
اخد قعده وارجع
————-اسمع بيحكوا عنى
الاقى الورد يزعل
———-يطلب منى الحضور
ابعت قلبى يلبى
———-واسيب روحى تزور
وافهم منه الحكايه
————واخد رأى الزهور
الاقى الكل راضى
———–انا حاسم فى الامور
ينده علي ّ البحر
———–موجه يرقص يلالى
تلاقينى نازل فيه
———–يحضن اهلا ياغالى
ونسمه اهى تشاورلى
——–على طول اقول تعالى
تلاقينى بضحك وحدى
——–يصحى صمت الليالى

 

 شعر: عبد الوهاب دردير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE