.

.

الرجل المتفاهم رزق!

1 min read

الرجل المتفاهم رزق!

 

كتبت: داليا شمعة

بيحبك؟ بيخاف عليكى؟ راجل غيور؟ يبقى أكيد سمعتى منه الجمل دي..

( ازاى تنزلى من بيتك باللبس ده؟ , لازم تستأذنى قبل مل تنزلى , متكلميش زمايلك فى الشغل\الدراسة , مافيش شغل بعد الجواز , متنزليش صورك على الفيسبوك , متكلميش صحباتك البنات بعد 10 بليل , لازم أى باسبورد ليكى يكون معايا , لو زنقت معاكي على الشغل مش هتشتغلي غير في حضانة , متلبسيش الوان مبهجة وملفتة ).

كل الكلام ده مافيش بنت مسمعتهوش من (راجل) مرتبطة بيه

بس هل فعلا ده كلام الرجالة بالمعنى اللى بعض البنات شيفاه..

ولا انتوا ايه رأيكوا فى الموضوع ده؟ هل هى دى فعلا الرجولة ؟ ولا ادعاء للرجولة ؟

بعضهن شايفاه خوف و غيرة و محبة زيادة

و البعض الاخر شايفينه ضغط و خنقه و عدم ثقة

بتوقيت مصر هتستعرض بعض الاراء , بعضها مؤيد وبعضها معارض..

ميار 31 سنة :

انا زمان أيام المراهقة كنت بشوف ان دة حب و غيرة و خوف عليا و كنت بفرح بسيطرته عليا و لكن مع مرور الوقت و المواقف و الأشخاص عرفت ان الرجل الحقيقى هو اللى بيكون متفاهم و واثق فيا و سامحلى بمساحتى الشخصية.

نهى 19 سنة:

أنا بحب الرجل (الحمش) المسيطر و لو مسيطرش عليا هشوفه مش راجل.

عالية 22 سنة :

انا فى وجهة نظرى ان فى بعض الاوقات لازم الرجل هو اللى يقود العلاقة بشكل كامل و بعض الاوقات لازم نتشارك جميع القرارات و لكن مع تجربتى الشخصية عرفت ان الرجل المسيطر على طول الخط بيكون فاقد الثقة بنفسه.

إنجى 26 سنة :

انا مبحبش السيطرة بأى شكل من الأشكال و بشوف ان اى بنى أدم من حقه يكون عنده مساحته الخاصة دون تدخل الطرف الأخر لأن ده بيولد نفور من العلاقة.

أما لعلم النفس رأى آخر :

حيث أكدت لنا الأخصأية النفسية : هالة حماد ان في الكثير من الاسباب التي تؤدي الى السيطرة المتعمدة من بعض الرجال ابرزها:

نظرية التعويض :

أن قد يكون الشخص يتعرض لاضطهاد و سيطرة من اهله او اى شخص أقوى منه و يعوض ذلك النقص بالسيطرة على البنت اللى بتحبه استغلالا لحبها له و تقبلها لسيطرته عليها .

الإسقاط :

و هنا ينسب الرجل أخطائه و رغباته على البنت مثل إتهام البنت بالكدب او الخيانة لمجرد انه هو الذى يفعل ذلك ده  غير التبرير المستمر مثل : متنزليش شكلك مهندم عشان ( بغير عليكى) متشتغليش عشان (بخاف عليكى) و طبعا كل دة حقد عليكى و على نجاحك و مش عاوزك تلفتى النظر عشان محدش احسن منه ينافسه ! .

 

نصيحة أخيرة منى ليكى (الرجل) الحقيقي هو اللى يقف فى ضهرك و يفرح لنجاحك و تحقيق ذاتك و يحتويكي و يشجعك و يكون دائما فخور بيكى .

رأيك يهمنا شاركينا رأيك على ..

https://www.instagram.com/daliashamaa/

daliaahmed444@gmail.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE