.

.

عاشق تراب مصر

عاشق تراب مصر

                  شعر / عادل جمعة محمد

 

بقـول بحب وكـل فخـر

عاشـق تـراب أرضـك يا مـصر

حـب الـوطـن حب انـتماء

حبك في قلبي سجين في أسر

إنـتـي إللي ربـى فـي الكـتاب

وصفـك أمان من كـل شر

إنـتـي إللي خـير الخـلـق قال

بأهل مصر استوصوا خير

وخطى عـلى ضهـرك رجال

قـائـد جـيـوش الـفتح عمرو

يا قاهـرة جـيـش الأعـادي

ومـنـارة لـلـعـلـم بـكل عصر

الألـف مـئـذنـة الـعـوالـي

هـي فـي الـسـمـاء كـألـف بدر

يا مـن حـضـنـتـي بـني العـروبة

أم الأمم أنـتي يا مصر

بقـول بـحب وكـل فخـر

عاشـق تـراب أرضـك يا مصر

في وسط ناسك لـو فـي كـوخ

بحس إني بعيش في قصر

مـش فـارقـة أخـسـر حـتى نـفـسي

وأكـسب وطن دا يبقى نصر

 

إنتي التاريخ يعني الحضارة

أرض الكنانة شعارها نسر

إنـتـي الـوطـن يـعـنـي الـسـكـن

حضن الأمومة لكل حر

نـفـسـي أحـس أنـا لـو بـضـيـع

ألاقيكي مادة ألف جسر

خـايـف أكـون عندك رخيص

تمني ملوش وزن وحصر

أمـي ومـن نـيـلك رضـعـت

وفي حبي لـيكي كتبت شعر

بقـول بحـب وكـل فخـر

عاشق تراب أرضك يا مـصـر

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE