.

.

قصيدة ” إلى ست الكل”

إلى ست الحبايب

صباح الخير

يا أجمل أم فى الدنيا

صباح الخير

ياكل حلاوة الدنيا

صباح الخير

ياكل شىء حلو فى حياتى

صباح الخير

يا أغلى ما عندى من ذاتى

يانازعة المر من نفسى

وبيكى بفتكر أمسى

صباح الخير

صباح المسك والعنبر

صباح الفل والياسمين

صباح الضحكة فى وشوشنا

ياضحكة مغرقه وشوشنا

صباح الكلمة مسموعة

ومحفورة فى كل جبين

صباح العطر يا أمى

صباح الخير

ياعايشة لأجل تأخدينى لحضنك ضم

فى صدرك بلتقى خيرك يزول الهم

يا أجمل وصف أوصافك

وأحسن كلمة كلماتك

يامتعة دنيا عايشينها

وشايفينها

وحاسينها

ولمسينها

يا أهه لما بتوجع

ياكلمة لأ

ولما أغلط تقولى : إرجع

خالفت الحق

ياصاينه حياتى بحياتك

بقيت أغلى من ذاتك

صباح الخير

يامتعة وأصلها إنتى

صباح الخير

ياشهد بحسه فى وجودك

صباح الخير

ياطعم الدنيا لو حلوه

ياست الحسن فى جمالك

ياليلة القدر لولادك

ياحتة من الجبل الأصفر

بنام ليلى ومين تسهر؟

بعيش يومى ومين تشقى؟

وبتمنظر

وبتعجرف

وبتنرفز

وبتشنج

وأعيش فى الدور وبرضو ماليش

غيرك تأخدنى فى حضنى

وأنام وأصحى وبلقاكى

تعيشى العمر يا أمى

وأعيد تكرار لكلماتى

ياست الكل

صباح الخير

 

شعر: محمد عبدالله على

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE