الرئيسية » تقارير » الدهشان يكتب ٢٠ سبب لخروج المنتخب المصري

الدهشان يكتب ٢٠ سبب لخروج المنتخب المصري

كتب الدكتور ايمن الدهشان خبير التنمية الادارية والبشرية على صفحته كان نفسي أولادي تاليا وريتال وايتن يشوفوا فوز لمصر في بداية عمرهم ولكن رافعوا علم بلده ان شاء الله يرفعوا دائما زعلان على كم المليارات اللي كنّا استثمرنا فِيهَا مواردنا دي إمكانيتنا لازم نعترف بيها ونطورها ونثق في قدراتنا اوعى تستهتر بالخصم او تحفل على السعودية فرق بينا وبين روسيا اكثر من ٣٠ نقطة ولكن هما عندهم اصرار وثقة وهدف اوعوا حد يحبط او نفقد الثقة نهائيا عندنا محمد صلاح أبومكة فخر ومكسب لكل المصريين والعرب الكل عارفه ويخاف منه ويحترمه زي اي واحد مصري بيحب بلده مش عارف ينام من امبارح توتر أكن ابنه في ثانوية عامة او نازل العب ومسؤول عن فرحة كل المصريين وده امر صعب كان عندنا #فرصة ذهبية نفرح شعبنا اللي نفسه يفرح شعب نفسه يفرح هيلاقيها من فين ولا منين طيب تعالوا نكون إيجابيين كسبنا ان ولادنا ممكن يكملوا ويرفعوا علم مصر بالعملوالانتاج_والعلم والتعامل مع اصعب المواقف باحترافية هنوصل تعالوا نتعلم من اخطائنا ونقف امام المرايا ٢٠ نقطة لازم ناخد بالنا منهم

١.قبل ما تلعب لازم يكون عندك هدف_واضح ومحدد بزمن

٢.قبل ما تسافر لازم يكون عندك أمل ورؤية وثقة

٣.قبل السفر لازم يكون لدينا خطط جديدة

٤.فقدان التركيز ثم الثقة وعدم الاتزان في المباريات كلها سواء في الوديات او في كاس العالم متوقع ايه من فريق لتعادل مع الكويت وخسر كل مبارياته

٥.متوقع ايه من فريق اصبح تجارة و اللاعبين أصبحوا منافسين للإعلانات وليسوا فريق عايز يركز ، فريق قاعد طول حياته ع الفيس وتويتر واينستجرام وحياته كل يوم بيعمل اعلان كان ناقص يعملوا مسلسلات رمضان

٦.شركة we المصرية بدل ما تساعد اللاعيبة جعلتهم بدون تركيز من اول الطائرة ثم مبارة التمرين ثم الضيوف الكرام لتختم فقدان التركيز والعيب مش عليهم يجب محاسبة المسؤول عن ذلك

٧. كان ينبغي وجود محفزين للاعبين يحكوا للاعبين قصص وبطولات مثل ربيع ياسين احمد الكأس حسام حسن بدون ابراهيم حسن وحسن شحاتة و زيدان وابو تريكة أعمدة تعطي قصص للاعيبة ودروس مستفادة

٨. كان نفسنا في اتحاد_كورة اخلاقي يساعد اللاعبين على تحقيق احلامهم اتحاد حاسم وإدارة بجد يتفق مع شركة تساعدنا في الانتاج او تصدير نشغل بيه شبابنا ونجيب عملة صعبة هل تتخيل ان التيشرت والعلم بنستورده بلد القطن يا خسارة ميصحش كده فندق إقامة اللاعبين يتحول الي مول

٩.احسن حاجة في المنتخب وجود حارس مثل #الشناوي الأخلاق له مستقبل مشرق الذي كان انتصار على الواسطة والمحسوبية واللي نفسن كشباب نجده على ارض الواقع في الفترة القادمة اهل الخبرة مع اهل الثقة

١٠.اهم عنصر دايما بننسه فضل ربنا علينا بدخولنا كاس العالم اصلا الحمد لله والشكر له فعلا منستهلش اكثر من كده احنا مش بنلعب كورة

١١. ياريت دايما حد يطلع من الحكومة يرد على فضفضة الناس اللي أصبحت لا يمكن منعها أبدا

١٢.ياريت يكون في مدير تحفيزي ومدير اخلاقي ناس تفيد الفريق مش ناس جاية تحوط رجل على رجل .

١٣.هل تم تدريب اللاعبين على ادارة الضغط وبناء وزرع الثقة وازالة التوتر وروح الفريق والعمل الجماعي واتخاذ القرار والابداع والابتكار

١٤.في لاعيبة لازم نقولهم شكرا ونشوف من ١٠٥ مليون مش ممكن مفيش غير فتحي وعلى جبر ومروان محسن وعبدالله السعيد واداء مشرف لوردة وتريزيجا ومش عيب الحضري ينزل اخر دقيقة في مبارة السعودية

١٥.مش لازم افضل طول حياتي بدافع مش لازم أكون رد فعل ممكن انزل كروتي كلها من الاول هتبكي علي ايه يا كوبر لحد امتي هنعتمد عى مدرب اجنبي ياخد ملايين عشان يضيعنا يجب ان يكون لدينا مدرب مصري كفء وطني هدفه تحقيق حلم المصريين

١٦. هل في مدرب حد سمع عنه في اي دولة من الدول اللي طلعت كاس العالم طلع في نصف الإعلانات وجي يقدم أسوأ ما لديه دي امكانياته معندوش واحد خسر كل الوديات متوقع منه ايه جي يدافع لما فكر يخاطر ونهاجم أصبحنا افضل مدرب ضعيف جدا وليس لديه روح الوطنية

١٧.السوشيال ميديا نزل عليها اكثر من ١٠٥ مليون قلشة او كوميديا ساخرة البدل اللبس … تخيلوا لو كانوا مليون فكرة او معلومة او دعم ايجابي ورسالة تحفيزية كانت هتفرق جدا

١٨.لايوجد أمامنا غير الانتاج والعمل بجد ورؤية الجميع يعلمها ويعمل على تحقيقها

١٩.الجمهور والشعب المصري العظيم انتمً الأبطال انتمً تستحقون الافضل انتمً السبب الرئيسي لدخول مصر كاس العالم كل اربع سنوات انتم من ستعبرون بالبلد الي الامام

٢٠.اتعلمنا في هذا المونديال #مفيش_مستحيل عشان كده مستحيل نتأهل دور ال١٦ اللي عايز يصعد بيعمل زي روسيا حلمنا اصبح مجدي عبدالغني ويارب كأس العالم اللي جي اذا لينا عمر نكون اتعلمنا مش عيب نتعلم ونتطور ونجرب الشباب ياريت نركز في شغلنا ونتعب شوية لوعايزين نكون افضل ونعرف إمكانيتنا ونطلع بمنظر مشرف باخلاق ودروس للعالم من اللاعبين او الجمهور فرصة ونبدأ من الان

اضف رد

لن يتم نشر البريد الإلكتروني . الحقول المطلوبة مشار لها بـ *

*