.

.

مصطفى محمد يكتب: مجتمع مريض

1 min read

المجتمع بقى سخيف أوووى شايف ناس بتتريق على زواج توفيق عكاشة من حياة الدرديرى وقبلها ناس بتتريق على عمرو دياب لو اتجوز من دينا الشربينى .. أيه القرف ده وليه الناس بقت تتدخل بمنتهى البجاحة فى حياة الأخرين حتى لو أنا مختلف مع توفيق عكاشة وحياة الدرديرى فهما معملوش حاجة غلط .. أتنين اتجوزوا ألف مبروك … وفيها أيه لما عمرو دياب يتجوز دينا الشربينى .. ألف مبروك أنا اللى يخصنى من عمرو دياب فنه .. حياته الشخصية ماليش إنى أتدخل فيها

مش متخيل درجة الإستسهال بتاعة الناس وهما مستمتعين بالنميمة هو الخوض فى أعراض الناس  بقى حاجة عادية كل مابيمر الوقت الواحد بيقلق على المجتمع ده

سر عميق من أسرار سعادتى إنى بشكل عام بحب وبحترم الناس جدا واللى بيقدرنى قيراط بقدره 24 قيراط ..الناس قليلة الذوق اللى بصادفهم فى حياتى مش بكرهم لكن بعرف أخليهم يتيقنوا إنهم مش موجودين فى الوجود .. ماهو كمان عيب أوووى لما أبقى شغال فى الميديا ومعرفش أوصل الرسائل من أقصر الطرق لا وجودك مؤثر ولا غيابك فارق
من حقى اعمل مدينتى الفاضلة وأختار فيها اللى بحبهم ويحبونى
يحضرنى كوبليه لعمرو دياب من أغنيته ” أيوه اتغيرت”
اللى بيخرج بره حياتى ده لا يمكن أبدا ارجعله بلاقيه اتشال من حساباتى مهما يقوللى ولا بسمعله وماليش فى الأخر غير راحتى مش عاوز أضيع أيامى أنا عاوز أعيش فيها براحتى مع حد يكمل أحلامى”

 

كلمة أخيرة

دع الخلق للخالق

mostafa.mohamed218@yahoo.com

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE