أخر الأخبار
الرئيسية » مقالات وآراء » أحمد ابوالعلا … يكتب .. كلمتين و بس؛ ( هو احنا لازم نتكلم …. )

أحمد ابوالعلا … يكتب .. كلمتين و بس؛ ( هو احنا لازم نتكلم …. )

أحمد ابوالعلا … يكتب .. كلمتين و بس؛
( هو احنا لازم نتكلم …. )

 

مينفعش نقول ما نعرفش علما بأن من قال لا اعلم و هو لا يعلم فقد افتى  .. مينفعش نسكت ساعات و منتكلمش علما بأن  اذا كان الكلام من فضة فالسكوت من دهب  ..   الكل دكتور و صيدلى و ناقد و محلل سياسى و رياضى و الأدهى و الامر رجل دين و من دار الافتاء كمان .. الكل بيدى نفسه الحق انه يدخل فى حياة الاخرين بطريقة ممكن تهدم و تخرب بيوت .
السؤال .. ليه ؟ .. هل اللى بيحصل ده مرض نفسى .. عقدة نقص .. و الا مرض منتشر .. و الا موروث طبيعى فى مجتمعنا .
لازم الاجابة تكون واضحة و جازمة علشان نغير لازم نتغير و نتخلص من اسوأ عاداتنا الكلام فى كل حاجة سواء كنا على علم او دراية او على جهالة بالموضوع .. فالسمع من الحواس التى اعطانا الله اياها لنتعلم لكى نتكلم و الدليل على ذلك لو وضعنا مثلا ثلاثة أطفال بيعيشوا فى مرحلة ما قبل الكلام واحد مع عائلة لا تتكلم والتانى مع عائلة بتتكلم انجليزى و التالت مع عائلة بتتكلم عربى .. النتيجة ان الاول لن يتكلم و التانى سيتكلم انجليزى و التالت سيتكلم عربى و من ذلك نبرهن على ان مهارة التكلم تأتى بالسمع .. اذن لازم ندى لأنفسنا فرصة نسمع اكتر ما نتكلم و لما نتكلم نتكلم صح و علشان كدة بنقول اننا مش لازم نتكلم قبل ما نتعلم .. متى و كيف و ازاى نتكلم .. فلكل مقام مقال .. و مش كل اللى ركب الحصان خيال .

اضف رد

لن يتم نشر البريد الإلكتروني . الحقول المطلوبة مشار لها بـ *

*