.

.

مصطفى محمد يكتب: عيب أوى

1 min read

مصطفى محمد يكتب: عيب أوى

أكتر حاجة بتخلينى احس إنى عايش فى كوميديا سوداء لما الناس تزعل منى عشان مركز مع نفسى وفى حياتى ماليش دعوة مين عمل أيه ومين سوى أيه ومين قال ومين عاد مبجبش اسمع الكلام ده ومبحبش اسمع حد يجى يقوللى فلان قال عليك كذا ..زى ما أنا مبحبش حد يتدخل فى حياتى مبحبش أتدخل فى حياة حد .. أنا شايف إن الإنسان كيان تركيزه المفروض يبقى فى تطوير نفسه وينافس نفسه ..أنا شايف نفسى كده وراضى عن نفسى لو كل واحد خلاه فى نفسه حاجات كتير أوى هتتغير فى حياتنا .. دع الخلق للخالق

أنا مشوفتش  فى حياتى أغبى من المسئولين فى مصر يعنى لما رئيس جهاز حماية المستهلك يطلع يقولك إنه غسل قميصه فى سويسرا ب30 دولار وتطلع سفارة سويسرا تقول ان السعر الحقيقى 2.50 دولار يبقى بالله عليكم ده اسمه ايه

غباء المسئولين فى مصر مادة غنية ل ” اللجان الإلكترونية ” للإخوان إنهم يسيطروا على تفكير الناس ويصدروا إشاعات من عينة إستيراد الحكومة الأرز البلاستيك  أو إنهم هيحطوا حاجة فى الدقيق تحد من إنجاب المواطنين أو إن وزيرة الصحة خدت أذن السيسى فى إنها تحط فى حقن التطعيم للطلبة مادة تجيبلهم عقم .. طيب مين السبب فى ده .. السبب ياعزيزى الفشل الذريع للمسئولين فى الدولة الذين يطلقون تصريحات مستفزة أو مبهمة أو مبتورة  لازم  عملية  إختيار المسئولين فى مصر تتم بمنتهى الدقة  ..عيب أوى اللى بيحصل ده

كلمة أخيرة

 لاتدع نفسك تحت سيطرة  ثلاثة أشياء  الناس والمال والتجارب السابقة

mostafa.mohamed218@yahoo.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE