أخر الأخبار
الرئيسية » مقالات وآراء » مصطفى محمد يكتب : وماله يا أخويا مش عيب

مصطفى محمد يكتب : وماله يا أخويا مش عيب

مصطفى محمد يكتب : وماله يا أخويا مش عيب

 

إلى إيهاب الخولى 

متشكرين جدا ياسيادة النائب إنك سفلت الشارع علشان عربيتك تعرف تمشى فيه بس أحيط علم سيادتكم إن وظيفتك التشريع وتقديم مشاريع القوانين سمعنى بقى حضرتك تقدمت بكام مشروع قانون مع الوضع فى الإعتبار إن حضرتك قبل ماتبقى نائب إنت أصلا محامى أما السفلته ده شغل المحليات كون إن حضرتك شايف إن ده إنجاز شبه فتح جوهر الصقلى للقاهرة يبقى عيب فى حق جناب سيادتك هتقوللى مش كتر خيرى إنى عملت حاجة مش من وظيفتى  هأقولك والنبى لما تبقى شايف شغلك الأول ابقى اعمل الزيادة  عارف إنت عامل زى أيه .. زى طالب الثانوى  اللى بيجاوب فى الإمتحانات إجابات طالب فى إعدادى ويخرج يحلف إنه والله العظيم حل ومسبش مكان فى ورقة الإجابة إنت بالظبط عامل زى طارق سعيد حسانين اللى سفلت الشوارع المؤدية إلى المطاحن التى يملكها مع أشقائه طبعا صبيان النائبين اللى بيشلوا لهم الشنط  هيزعلوا منى معلش الحقيقة بتزعل أنا مقدر جدا إن التطبيل مصدر أكل عيشكم

 

إلى إدارة التفتيش فى وزارة الداخلية

لقد تقدمت إلى سيادتكم بشكوى ضد كلا من أمينى الشرطة بقسم إمبابة  أشرف سعفان اللى مشغل 3 سيارات أوبر ومعاه 6 مليون فى البنك وكان متجوز واحدة أداب الله يرحمها غير أملاكه فى بلده  المنوفية  والتانى أحمد رمزى اللى عنده شقة مشغلها فى الدعارة على البحر  طالقين الديلرز فى شارع مراد وأرض عزيز عزت فى إمبابة وبياخدوا منهم اسبوعيات

 

كلمة أخيرة 

اللى بيراهن على الناس دايما كسبان 

mostafa.mohamed218@yahoo.com

اضف رد

لن يتم نشر البريد الإلكتروني . الحقول المطلوبة مشار لها بـ *

*