الرئيسية » مقالات وآراء » مصطفى محمد يكتب: حط نفسك مكانى

مصطفى محمد يكتب: حط نفسك مكانى

مصطفى محمد يكتب: حط نفسك مكانى

سؤال  لماذا انهار الإعلام؟ 

سؤال مهم لابد أن نواجه الحقيقة نعترف .. تحب نبدأ منين؟! تعالى نبدأ  من تحت الإعلام أصبح مهنة من ليس له مهنة بعد قيام ثورة 25 يناير  ومعرفة الناس للدور الفعال للفيس بوك أصبح أى شخص يملك صفحة على الفيس بوك يكتب بوست يرى فى نفسه وفى بوستاته صحفى لامعا وصاحب رؤية ثاقبة .انا لست ضد أى شخص موهوب فى الكتابة ولكن إذا كان لادراسة ولا موهبة فما ذنبنا أن نتحمل كل هذا الجهل ..أصبح كل من يملك حق شراء ترخيص أجنبى لجريدة يخرج علينا مستعينا بمن يحملون الدبلومات بل و من لا يجيدون القراءة والكتابة وصاحب الترخيص نفسه لا يجيد القراءة والكتابة بس عايز يصيت نفسه أهى سبوبة حلوة  وحتى لا يأخذ كلامى على محمل الخطأ مرة أخرى وليست أخيرة إذا كنت تملك الموهبة وشهادتك هى الدبلوم إذا كنت جادا فإلتحق بكلية الإعلام فى الجامعة المفتوحة ..  الفهلوة سيطرت على الشغلانه يعنى مثلا يجى عضو مجلس نواب يخش عليه واد فتك وقديم فى المنطقة يصيته و يظبته فى الدعاية وينشر فى جورنال المنطقة هوبا يبقى المستشار الإعلامى لسيادة النائب طب يا ابنى انت أيه مرجعيتك ولا دراستك؟! ..يقولك أنا قديم فى المنطقة  وإلا فى الأقاليم ده الفيوم لوحدها بقى فيها مش عارف كام وستين جورنال ومن المقزز إنك تلاقى انهم بيتاجروا بالقصص الإنسانية بتاعة الناس بياخدوا منهم فلوس عشان ينزلوا لهم القصص بتاعتهم فى قنوات الدرجة العاشرة اللى خلت كل من هب ودب مسمى نفسه اعلامى

نطلع فوق نشوف حد من عينة أحمد موسى ومصطفى بكرى إعلاميين ولا كاريزما ولا ثقافة و لاموهبة  ولا فاهمين أصلا مواصفات المذيع الناجح  فين طارق حبيب ومحمود سلطان وأحمد سمير وحتى سميرصبرى

أرجوكم عايزين ضوابط إعلامية

كلمة أخيرة

طالما الإنسان الذى بداخلى مازال حيا فأنا بخير 

mostafa.mohamed218@yahoo.com

اضف رد

لن يتم نشر البريد الإلكتروني . الحقول المطلوبة مشار لها بـ *

*