أخر الأخبار
الرئيسية » مقالات وآراء » مصطفى محمد يكتب: رقاصة وبترقص

مصطفى محمد يكتب: رقاصة وبترقص

مصطفى محمد يكتب: رقاصة وبترقص

لم أكن أدرى أننى سوف أضحك كل هذا الضحك وأنا أرى المدافعين عن إيهاب الخولى نائب دائرة إمبابة بعد كتابة مقال لى انتقد عدم قيامه بدوره كنائب بتقديم مشاريع قوانين  وتهليل انصاره لقيامه بمخاطبة مديرية الطرق والكبارى وعمل مقايسة للقيام برصف احدى الشوارع كل ما قولته ان ما قام به ليس دوره وانما دور المحليات وانه ماقام به مثل طالب الثانوى الذى يجيب فى امتحاناته من مقررات مناهج الإعدادية  .. الطريف أيضا أن أنصاره يقولون مفيش نواب فى المجلس فكرا يسفلتوا شوارع  إن شاء الله لو نواب مجلس النواب اتجهوا لسفلتة الشوارع هيبقى اسمه أيه؟! ..أنا أقول لحضرتك مش هيبقى مجلس نواب هيبقى مجلس محلى ..  حاولوا أن تمسكوا انفسكم من الضحك وانتم تسمعون ردود أنصاره يقولون أن من إنجازاته فى المجلس أنه أمين سر اللجنة التشريعية  ..طب ما إيهاب محامى يبقى طبيعى جدا يبقى فى اللجنة التشريعية افتكرت الأستاذ عادل إمام فى مسرحية ” شاهد مشفش حاجة” لما قال رقاصة وبترقص   زى بالظبط شادية ثابت نائبة نفس الدائرة لأنها دكتورة فهى عضو فى لجنة الصحة نشوى الديب لأنها كاتبة صحفية ونائب رئيس تحرير جريدة العربى الناصرى فهى عضو فى لجنة الإعلام  يعنى أنا عشان خريج أكاديمية أخبار اليوم قسم صحافة وعضو نقابة الصحفيين  لو بقيت نائب فى المجلس وعضو لجنة الإعلام يبقى ده انجاز بلاش دى قالوا انتم مفترين مش متابعين لو دخلتوا على اليوتيوب وكتبتوا إيهاب الخولى هتظهر لكم مشاريع القوانين  اللى تقدم بها دخلنا وكتبنا على اليوتيوب إيهاب الخولى

ده فيديو لإيهاب الخولى وهو منفعل بعد خطاب مرسى لو انصارك معتبرينه انجاز بنفس منهجك انا كتبت 77 مقال رأى ضد مرسى منذ جلوسه على كرسى الحكم يبقى المفروض يتعمللى تمثال بقى..حضرتك كنت فين قبل اللحظة دى مظهرتش غير لما مصر كلها نزلت ..فيديو تانى بيطالب بالمحاكمات العسكرية للى بيتعدوا على المنشأت العامة وقعد يمدح فى دور المجلس لأ حقيقى نورت المحكمة

وده فيديو بيرقص فيه فى الدائرة لحشدالناس لإنتخاب  السيسى

وده فيديو رئيس المجلس بيطلب منه انه يسكت وينسب الطلب لصاحبه  

 

طيب ليه فيديو تانى بيقر إن تيران وصنافير  مصريتان طب يا أستاذ إيهاب لو إنت صاحب موقف لاقيت المجلس اقر العكس مش كان من الأجدى تستقيل من المجلس ولا  الكرسى مغرى

سألت كل زملائى وأصدقائى محررى البرلمان فى مختلف الصحف و المجلات اجمعوا ان ادائه البرلمانى صفر

إيهاب بيه أنا انتخبتك انت منجحتش غير فى حاجة واحدة إنك تخلينى أندم  انى انتخبتك

من حقك تدافع عن اللى إنت عايزه بس ياريت توضح سبب إنحيازك ليه يعنى لو حب لله فى لله تعالى نتناقش واقنعنى واقنعك لكن لما يكون مصدر اكل عيشك ومرتبك منه يبقى متتعبش نفسك عشان عرفنا السبب

 

 

كلمة أخيرة

أصحاب المبادىء يعيشون مئات السنين وأصحاب المصالح يموتون مئات المرات

mostafa.mohamed218@yahoo.com

اضف رد

لن يتم نشر البريد الإلكتروني . الحقول المطلوبة مشار لها بـ *

*