أخر الأخبار
الرئيسية » مقالات وآراء » أحمد ابوالعلا … يكتب .. كلمتين و بس؛ ( فى حاجة غلط .. )

أحمد ابوالعلا … يكتب .. كلمتين و بس؛ ( فى حاجة غلط .. )

أحمد ابوالعلا … يكتب .. كلمتين و بس؛
( فى حاجة غلط .. )

 

طلب إحاطة غريب فى مجلس الشعب الموقر يخص استيراد قمامة فى العام الماضى بحوالى 15 مليار جنيه …  فى الاول كده …  منين و لمين …  و هو الكلام ده عندنا يا جماعة .. فى مصر يعنى .. بنستورد زبااالة .. معقولة ..  ليه هيا قمامة الشعب المصرى بتروح فين و ده طبعا بعد ما تتجمع ان شاء الله من شوارع بلدنا و خاصة الاماكن الشعبية .. دى فى بعض المناطق تعتبر حالة و ظاهرة تستحق الدراسة                و الاخوة جامعى القمامة سواء على المستوى العام والخاص و المناطق المعروفة لتجميع و فرز القمامة بيودوا كل ده فين .. تدوير المخلفات صناعة كبرى تساهم فى اقتصاد دول .. و انا هنا أدعى اننا من الدول التى تستهلك منتجات و بالتالى ينتج عن ذلك كم رهيب من المخلفات التى يعاد تدويرها .. و يعد هذا الإدعاء من واقع المشاهدات لا الإحصائيات .. و من ذلك كيف لنا ان نستورد مما يبدوا لنا من الوهلة الأولى اننا ننتج منه الكثير والكثير .. إلا لو كانت لدينا صناعات داخل مصر تستوعب كل هذا الكم من الانتاج و تحتاج المزيد !؟ .. بالبلدى كدة يا جماعة لو انفقنا نص المبلغ اللى بستورد بيه الزبالة على المشتغلين بهذه المهنة و طلبنا منهم المزيد يعنى كل ما تجمع اكتر تكسب اكتر اعتقد ح نحل جزء كبير من المشكلة و نستفيد بكم عمالة اكبر و نبقا ضربنا 4 عصافير بحجر واحد  ( جمعنا قمامة … شغلنا ناس … قللنا الانفاق فى هذا النوع من الاستيراد .. و عظمنا من دور هذه الصناعة ) و طبعا ح نوجهه الفارق لحاجة تانية من اولوياتنا .
علشان كده تسمحولى اطالب المسئولين عن هذا الأمر مراجعة الإستمرار فى هذا  القرار لأن كدة بصراحة ……. فى حاجة غلط ….

اضف رد

لن يتم نشر البريد الإلكتروني . الحقول المطلوبة مشار لها بـ *

*