.

.

مصطفى محمد يكتب: أرجوك لاتفهمنى بسرعة

1 min read

مصطفى محمد يكتب: أرجوك لاتفهمنى بسرعة

مرة كنت فى زيارة لإبن دفعتى أيمن يوسف فى الحى المتميز فى مدينة 6 أكتوبر المهم نزلت الحى المتميز بسأل واحد ماشى” لو سمحت فين شارع محمد عبد الوهاب” قاللى ” أه ه ه ه محمد عبد الوهاب إنت هتمشى على طول تالت شارع شمال” سيبته على بعد خطوتين لاقيت يافطة الشارع اللى أنا واقف فيه مكتوب عليها شارع محمد عبد الوهاب .. من ساعتها لما ببقى رايح مشوار وأسأل حد بمشى على عكس الوصف بتاعه بوصل على طول ..أرجوك عزيزى الفذلوك لا تتطوع بإبراز قدراتك الإستثنائية وموت شيخ الحارة اللى جواك الغريب يا أخى إن اللى بيعمل كده الجيل اللى بيتريق على الجيل اللى كان بيعمل كده ..شيزوفرينيا غريبة يعنى أيه تنتقد فى حد حاجة وتعمل إنت نفس الحاجة ..ياعم الحاج والله مش عيب خالص تقول معرفش

فى تصورى الشخصى حملة مقاطعة الفاكهة هتنجح مش لأن الناس هتقاطع ..لأ لأن الناس أصلا مش معاها فلوس تشترى أنا عاجبنى جدا ما شاهدته فى المتاجر الكبرى فيما يتعلق ببيع الفاكهة بالواحدة هو ده الصح إشترى على أد حاجتك

مش بحب أعمم بس حاسس إن الجحود زاد أوى بلغة الشارع الناس مبقتش سالكة ونسبة العنف زادت  وكله بقى يشغل دماغه على كله .. أنا من زمان مسمى الدنيا حلبة مصارعة .. وكانوا أصدقائى بيضحكوا عليا لما بقول لهم الغابة اللى انتم عايشين فيها دى دلوقتى كلهم بيقولوا لى كان عندك حق

 

 

كلمة أخيرة

لا تحاول أن تتحدى شخص وزنه كله عزيمة و إرادة  شخص يا إما بيكسب يا إما بيكسب  وإذا كان و لابد بيكسب هتخسر ..هتخسر .. لاتحاول أن تتحدانى .. اللهم بلغت اللهم فأشهد

mostafa.mohamed218@yahoo.com

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE