.

.

مصطفى بن سلام يكتب: حل مشاكلك

مصطفى بن سلام يكتب: حل مشاكلك

النهارده هنطرح حل لمشكلة بتأرق جميع طبقات المجتمع والكل يبحث لها عن حل و الآ و هى ( الكهرباء )
كما ذكرت هى مشكله جميع البيوت في مصر و قد ظهرالحل من خلال مواطن مصرى قرر عدم الاستسلام للابتزاز التى تقوم به شركة الكهرباء للمواطنين و فكر في الحل المنطقي للخروج من هذه المشكلة سوف أنسخ إليكم نص الرسالة الذى عرضه علي بعض الجروبات لتعميم الفكرة.
انا لقيت الحل
الشهر اللى الفاتوره دى جت فيه كانت الشقه معظم الشهر مقفوله و سكينة الكهرباء نازله و بما ان شركة الكهرباء بتسرقنى عينى عينك و ببجاحه و عشان اشتكى و اتظلم لازم ادفع الاول و يهدونى انهم يشيلوا العداد فأنا قررت استغنى عن خدمات شركة الكهرباء و العداد و الكهرباء بتاعتهم
.. إزاااى ؟؟
بحثت ع النت عن ارقام و عناوين شركات الطاقه الشمسيه و سألت عن اسعار المكثفات و بصراحه لقيتها غاليه جدا بتبدء من خمسين الف بس. برضو لقيت ان انتاجها للكهرباء عالى جدا فكلمت مهندس كهرباء و عملنا دراسه للفكره و لقينا ان مكثف ب١١٠ الف جنيه يقدر يغذى ٢٥ شقه فعرضت الفكره على جيرانى فى العماره و كلهم وافقوا و اتحمسوا للفكره احنا ٢٤ شقه يعنى كل شقه هتدفع ٥٠٠٠ تقريبا و نرتاح من قرف فواتير الكهرباء كل شهر و فعلا بدأنا فى تنفيذ الفكره و بإذن الله الشهر الجاى نروح شركة الكهرباء نقولهم مستغنين عن خدماتكم تعالوا اقطعوا الكهرباء و الغوا التعاقد معانا ..
للعلم فيه شركات للطاقه الشمسيه بتقسط و كل الشركات عامله ضمان و صيانه مجانيه لمدة عشر سنين
ياريت الفكره دى تتعمم والله هتبقا احسن و اوفر من جميع الجهات اولا هتوفر فلوس و محدش يسرقنا ثانيا مافيش كهرباء هتقطع ثالثا هتوفر الغز و الجاز اللى محطات الكهرباء شغاله بيه رابعا طاقه نظيفه غير ملوثه للبيئه الفلوس اللى تدفعها فى قسط المكثف هى هى نفس فلوس فاتورة الكهرباء بس بعد ما القسط يخلص هتستخدم كهرباء من غير ما تدفع ولا مليم .. يبقى ايه الاحسن ادفع ٢٠٠ جنيه قسط لمدة تلات اربع سنين و تبقى كهربتى ملكى ولا ادفع ٢٥٠ كل شهر و كل سنه بيزودوها و ممنوع اشتكى او اتظلم .. يعنى شركه الكهربا بتقولها صريحه للمواطن هسرقك و اضربك على عينك و اياك تقول ااه هنقطع عنك الكهربا و نشيل العداد … لأ بقا كفايه كده انا اللى هروح لهم الشهر الجاى اقولهم تعالوا خدوا عدادكم و مستغنى عن خدماتكم
ممكن يكون الحل أمام أعيننا لكن لا نراه أو ننظر له على أنه حل تافه او غير مجدي أو صعب تنفيذه لأننا دائما نفكر في الحلول التقليدية.

فكر جيدا تجد حل مشاكلك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE