.

.

مصطفى محمد يكتب: عسران الضبع

1 min read

مصطفى محمد يكتب: عسران الضبع

من أسعد اللحظات اللى بتعدى عليا بلا مبالغة اللحظة اللى بتهدد فيها أو بمعنى أدق اللى بتعرض فيها لتهديد ساعتها بس بعرف أد أيه إن اللى بيهددنى بيموت فى جلده ومرعوب وإنى بشكل خطر عليه بفتكره دايما بشخصية عسران الضبع اللى أداها الفنان الراحل صلاح قابيل فى فيلم ” الهلفوت” اللى كان سفاح أونطه من بره صوته عالى ومن جوه بيموت فى جلده ..اللى بيهدد ده عاجز وطول الوقت بيجيب ورا عند الحسم يعنى يبعتلك تهديد عن طريق وسطاء  ميعرفش إنك قاعد بتدعيله ربنا ينفخ فى صورته وينفذ تهديده  بتبقى عايز  تقول له يا ابنى أنا قاعد مستنى أهو نفذ تهديدك ياحاج .. أصل هيحصل أيه لو نفذ تهديده بمنتهى البساطة هيقتلنى يعنى.. ياعم أهو يبقى عمرى إنتهى لحد هنا بس تعالى نشوف لما يقتلك هيبقى مصيرك إنت وهو أيه  إنت هيرسموا ليك صورة جنب” جمب” ميادة أشرف والحسينى أبو ضيف وتامر عبد الرؤوف وأحمد محمود فى مدخل نقابة الصحفيين هيحطوا تحتيها تاريخ إستشهادك لتخليد ذكراك والناس هتقول الله يرحمه كان محترم وعنده رسالة  هو بقى هيتجاب من قفاه وهيقعد يصوت بصوت فردوس عبد الحميد فى شخصية ” سيدة” فى مسلسل ” أنا وإنت وبابا فى المشمش” ..” ماهما اللى قالوا لى” وهيتعدم زى الكلب والناس هتقول يلا فى ستين داهية كان تافه ومنافق

 

كلمة أخيرة

زمان كنت بعمل مغامرة فى دار إيتام وإكتشفت إن مشرف الدار فاسد واجهته هددنى إتحبس شوفت بسيطة أزاى

mostafa.mohamed218@yahoo.com

ملحوظة هامة اللينك بتاع الفيلم مش هيفتح معاك غير لو اتفرجت عن طريق الراوتر 
غير كده مش هيفتح معاك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE