.

.

مصطفى محمد يكتب: خطر على الأمن القومى

1 min read

مصطفى محمد يكتب: خطر على الأمن القومى

عندما قامت ثورة 25 يناير كنا نحلم بتحقيق أهدافها عيش- حرية- عدالة إجتماعية- كرامة إنسانية لن أخوض كثيرا فى شعارات جوفاء لكن كنت واحد ممن حاربوا حتى الرمق الأخير من أجل أن أرى  أهداف الثورة تتحقق على أرض الواقع وكان لى الشرف أنى شاركت فى كثير من أحداث الثورة تعلمت دروس عميقة ورأيت مشاهد كان لايمكن أن أتخيل أن أراها فى حياتى ففى أحداث محمد محمود أصيبت فى قدمى اليمنى برصاصة مطاطية وسقطت على الأرض ونهضت مفزوعا بشكل لا إرادى عندما شاهدت شاب بجوارى أستشهد نتيجة رصاصةإخترقت قلبه..لن أدعى أننى بطل شعبى أو زعيم سياسى ولكن كان  أقصى أحلامى أن يحصل كل شخص على مكانته التى يستحقها ..ميزة ثورة 25 يناير أنها كانت بلا قائد ولكن شأنها كشأن أى ثورة ظهر نتيجة قيامها تجار الحروب وهم الإنتهازيين الذين يستفيدوا دون أى عناء  أسوأ مافى الموضوع أن النصابين ومنتحلى الصفة انتشروا فى المجتمع وتوغلوا بشكل مريب فأصبح من يحمل دبلوم الصنايع صحفى أو إعلامى وحامل الإعدادية دكتور وحامل الإبتدائية مستشار ..عزيزى الحاصل على دبلوم صنايع قسم كهرباء متحاولش تربط نفسك بالصحافة لا أنت ككهربائى  هتفهم فى الصحافة ولا أنا كصحفى هأفهم فى الكهرباء اللى يغيظك يا أخى إن لما تسأل عن المعايير اللى خلت ده يبقى صحفى يكون الرد أصحابه بيقولوا عليه صحفى صلاة النبى أحسن ماهى مش عربية تنجيد ياجدعان طب ياعم حاولت تدرس لأ أومال خبرات سيادتك أيه كتبت فى جورنال المنطقة اللى رئيس مجلس إدارته معاه اعدادية وفى جورنال أصفر بيتباع فى الأتوبيسات ياسيدى على المهنية جزء كبير من الموضوع ظهور المدعو السيد الشاذلى بنقابة وهمية بمقر فى شارع عبد الخالق ثروت كان يعتمد المهنة فى البطاقة لحاملى الإعدادية والدبلومات مقابل ألف جنيه للواحد يابلاش والنتيجة كله بقى صحفى وإعلامى خلاص  أما كلها بقت إعلاميين وصحفيين أومال مين اللى هيقرأ  والتانى بتاع الإعدادية بقى دكتور أمتى وأزاى ده بقى موضوع كبير  هتلاقى يا إما حد سلمه شهادة ورق مكتوب عليها دكتوراة فخرية طب مين اللى سلمه الشهادة ياولاد كيان محدش يعرف أساسه أيه وأهو كله بيسترزق أو إشترى دكتوراه من على النت من اليونان بقى الدكتور  ..وبتاع الإبتدائية بقى مستشار ..مستشار أيه ياولاد مستشار تحكيم دولى منين ياولاد من منظمة مش عارف أيه النصابة اللى ملهاش أساس  طب  ياعم الراجل اللى بقى مستشار تحكيم دولى ده هيبقى من حقه يحكم دوليا .. لأ  بس ينفع يقعد فى قعدات صلح  زعرد يا أبو الصلح..مرة كنت قاعد فى مكان ما  فلقيت شاب عمال يتنك على أصدقائه أنا هأبقى سفير أو هأشتغل فى السلك الدبلوماسى ياولاد… طبعا أنا عارف الشاب ده أزاى اللى بيقوله ده ..ده كان معاه دبلوم تجارة وكان بيسقط لحد مافقدوا الأمل فيه المهم سألت هو أزاى بيقول كده عرفت إنه بيدرس فى معهد خاص فروحت سألت رئيسة الجامعة قولت لها أزاى حضرتك يبقى معاه دبلوم تجارة يدرس إقتصاد وعلوم سياسية ضحكت وقالت لى لأ أحنا المستوى التعليمى بتاعنا عالى أحنا عندنا فى المعهد طلبة الثانوية العامة وطلبة الدبلومات طالب الدبلوم بيحصل على بكالوريوس إقتصاد بس وبيتكتب كده فى شهادته حاصل على بكالوريوس إقتصاد  لكن طالب الثانوية العامة بيحصل على بكالوريوس إقتصاد وعلوم سياسية وبيتكتب ده فى شهادته حاصل على بكالوريس إقتصاد وعلوم سياسية ضحكت ورديت عليها بسخرية يا سلام ماشاء الله ..سيبتها وعرفت ليه التعليم باظ.. من فترة حد مقرب منى كان بيهزر معايا إنى مخترتش إختيار معين قاللى أيه اللى غيرك ما أنت كنت مقتنع بيه زمان ضحكت و قولت له زمان بقى محدش بيغلط نفس الغلطة مرتين

وإنت بتختار شريكة حياتك إختار اللى تستحق تشيل إسمك اللى تليق بيك اللى تبقى فخور بيها بكل تفاصيلها من أول لحظة شوفتها فيها مرورا بلما تقرروا إنكم تمشوا مع بعض فى نفس الطريق لحد ماتبقى أم أولادك وتعيش معاك العمر كله

لما بنتقد تصرف مسئول وأدائه ببقى مش واخد منه موقف بس بيصعب عليا إن المسئول يكون بيملك كل مقومات النجاح لكن هو عاوز يفشل لسه كنت بتكلم من شوية عن أحلامى بعد قيام ثورة 25 يناير يعنى من الحاجات اللى كنت متحمس لها المشاركة فى الإنتخابات بالذات البرلمانية وفى الإنتخابات البرلمانية الأخيرة ناس كتير عندنا فى إمبابة كانت بتنتقد ترشح إيهاب الخولى وبتقول إنه مش من الدائرة دافعت عنه وقولت لهم يا جدعان ده محامى يعنى عارف وظيفته كنائب كويس جدا فاهم الرقابة والتشريع وطلبات الإحاطة ومشروعات القوانين وهيلمس على احتياجات الناس طبعا مع الوقت ادائه كان مخيب للأمال وصورته إنهارت قدامى لما شوفت الفيديو ده ندمت إنى انتخبته

 

https://www.youtube.com/watch?v=UdRKZUdZzcM

 

كلمة أخيرة

https://www.youtube.com/watch?v=bM7Pr9x2dQw

   

شكرا لصديقى ياسر كمال على مجهوده

mostafa.mohamed218@yahoo.com

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE