الرئيسية » عاجل » مصطفى محمد يكتب:استقيموا يرحمكم الله

مصطفى محمد يكتب:استقيموا يرحمكم الله

مصطفى محمد يكتب:استقيموا يرحمكم الله

سؤال برىء أيه اللى يخلى معاون مباحث قسم الوراق و منطقة الوراق تابعة لمحافظة الجيزة يروح يقف منطقة الخصوص -التابعة لمحافظة القليوبية عدد سكانها 2 مليون نسمة-  يفتش معاهم اللى رايح واللى جاى هناك أنا مش عايز أعمم وأقول الداخلية كلها فاسدة لأنى لست من هواة التعميم والتعميم غلط فى الأساس وكل مهنة فيها الصالح والطالح  وزى مابشوف أمناء شرطة بياخدوا اسبوعيات من الديلرز عشان يسيبوهم يقفوا يبيعوا لما بتبقى فيه حملة خارجة من القسم بيتصلوا بيهم يستخبوا لحد ما الحملة ترجع وزى مابشوف أمناء شرطة مشاركين ناس فى مصنع سجاير فى شارع السلام فى إمبابة من غير مايدفعوا فلوس وداخلين بإسمهم بس .. برضه بشوف  أمناء شرطة طيبين وجدعان..  أنا مش هأهاجم لمجرد الهجوم ومش هأحط السم فى العسل وبرضه مش هأطبل  وهأصفق للغلط بس أنا بطلب من وزارة الداخلية تطهر نفسها من العناصر الفاسدة لأن العناصر الفاسدة بتسىء للوزارة كلها مينفعش فى عز ما بنستشهد  ببطولات شهداء الشرطة يبقى المتصدر لينا النماذج المسيئة دى  اللى كانت سبب فى قيام ثورة 25 يناير وخروج الناس ضدها  فى عز ما كانوا فاكرين إن حبيب العادلى مأمنهم  لأن الناس لما بيفيض بيها مش بتشوف قدامها طيب سؤال برىء تانى إشمعنى الصحفيين اللى تم إلغاء قرار التعامل معهم بنصف تذكرة طيب لو المترو بيخسر وعاوزين نزود الموارد مش المفروض القرار ده يتطبق على كل اللى بيتعاملوا بنصف تذكرة على فكرة أنا عضو نقابة الصحفيين وكنت من المستفيدين بقرار نصف تذكرة للصحفيين ومع ذلك طالبت كتير جدا إن الصحفيين يبقوا زى الناس ويتلغى حوار النصف تذكرة بس لما الموضوع يبقى على الصحفيين بس والفئات التانيه اللى بتتعامل بنصف تذكرة لأ يبقى فيه سر أحنا منعرفهوش

كلمة أخيرة

لاتبيع هيبة الصمت بالرخيص من الكلام

mostafa.mohamed218@yahoo.com

https://www.youtube.com/watch?v=mqvq_t_nAP4&lc=z23sivi5sljfzf4gp04t1aokgoz5boj3hol15hwabh4rrk0h00410

اضف رد

لن يتم نشر البريد الإلكتروني . الحقول المطلوبة مشار لها بـ *

*