الرئيسية » مقالات وآراء » سعيد الدرملى يكتب: مصر جميلة

سعيد الدرملى يكتب: مصر جميلة

سعيد الدرملى يكتب: مصر جميلة

الووووو بوليس النجدة..
_ايوة يافندم معاك اتفضل..
_انا كنت عايز ابلغ عن شبكة تجارة اعضاء بش….
_انت اسمك ايه الاول بس قبل البلاغ..
_وايه علاقة اسمى بالبلاغ حضرتك..
_التعليمات بتقول انى اللى يبلغ لازم يقول اسمه رباعي…
_يابيه اعتبرني فاعل خير..
_ايوة فاعل خير ايه..انا قولتلك لازم اسمك رباعي…
_يابيه ده مش اسمى دى كناية وخلاص..
_ايوة ايه الخير اللى انت عملته علشان ابوك يسميك فاعل خير وبعدين هو اللى يعمل خير بيقول للناس عليه ويضيع ثوابه كده..
_يابيه ثواب ايه وعقاب هو حضرتك مبتفرجش على افلام عربي ولا ايه اي حد بيعمل بلاغ بيختم البلاغ بكلمة فاعل خير..
_ لا لا لا خد بالك يا فندم حياه رجل البوليس تختلف تمام عن الافلام والمسلسلات احنا بنشتغل الشغلانة دى واحنا حاطين ايدنا على ايدينا..
_حاطين ايدكو علي ايه يافندم…
_متغيريش الموضوع وكمل بلاغك..
_يا بيه ارحمني يا بيه انا عايز اقولك اني لقيت شبكه بتاجر ف الاعض…
ا_ستنى استنى قبل ماتكمل بلاغك مادام لقيت حاجة يبقي لازم تسلمها للبوليس وخد بالك نسبة 10% من اللى لقيته اتلغت من زمان وبقت دلوقتى 1% لمقدم البلاغ و39% لرجل الشرطة متلقي البلاغ..
_يابيه واحد ايه واتنين ايه انا لقيت فى العمارة اللى انا ساكن فيها شبكة تجار اعض…
_استني هى العمارة اللى انت ساكن فيها كام دور..
_11 دور بالاراضي والسطح والبدروم..
_11 دور..اكيد الخمس ادوار اللى فوق دول مخالفين..
انا هتطلعلك قرار ازالة حالا هنشيل الست ادوار اللى تحت ونفرض غرامة ع الخمسة ادوار اللى فوق..
_يابيه ارحمنى ابوس ايديك انا نسيت انا كانت عايز ابلغ عن ايه اساس..
_انت كانت عايز تبلغ عن شركة تجارة وخد بالك انا لحد دلوقتى معرفش رقم السجل التجاري ولا رقم البطاقة الضربية بتاعتك وبحملك كافة المصاريف الادارية فى حالة التهرب الضريبي وكمان اتعاب ال….
_يافندم شركة ايه وسجل تجاري ايه..انا افتكرت انا كانت عايز ابلغ عن شبكة تجارة اعضاء…
_وبتعمل ايه بقي ان شاء الله الشبكة دى.

بتاخد اعضاء من البرلمان توديهم مجلس الشعب.

 

اضف رد

لن يتم نشر البريد الإلكتروني . الحقول المطلوبة مشار لها بـ *

*