أخر الأخبار
الرئيسية » مقالات وآراء » سعيد الدرملى يكتب : كلاكيت_تانى_مرة..مصر_جميلة..

سعيد الدرملى يكتب : كلاكيت_تانى_مرة..مصر_جميلة..

سعيد الدرملى  يكتب :كلاكيت_تانى_مرة..مصر_جميلة..

-خد خد خد رايح فين..؟
-داخل المترو انتحر..
-وفين تذكرتك بقي ان شاء الله..؟
– بقولك داخل انتحر..
-ياعم ماتنتحر ولا تولع بجاز حتى ان بسآلك تذكرتك فين..
-معييش تذكرة ياعم..
-معاكش تذكرة غرامة 100 جنيه..
-يعنى لو خدت 100 جنيه هتسبني ادخل انتحر..؟
-اه هسيبك تدخل تنتحر..
-خد ياعم 100 جنيه اهيه سبنى ادخل بقي..
-اتفضل ادخل طبعا بس فين التذكرة..؟
-ياعم ماانت لسه واخد الغرامة بتاعتها..
-لا انا خدت الغرامة بتاعت التذكرة بس مخدتش التذكرة..
-يعنى عايز ايه دلوقتى..؟
-عايز حق التذكرة 7 جنيه..
-طب ليه مش 3 ولا 5 جنيه هو هنتحر فى المرج الجديدة انا -هنتحر فى نفس المحطة اللى احنا فيها دى..
-ام 3 جنيه خلصت امبارح وام خمسة ناقصة فى السوق،مفيش غير ام 7..
-طيب ياعم ادى 10 جنيه سبنى بقي ادخل..
-مش هينفع تدخل اصلي معييش فكة استنى لما تجيلي فكة..
-ياعم مش انا عايز الباقي حلال عليك..
-ايه حلال عليك دى بترشي موظف حكومى اثناء تادية وظيفته دى قضية تانية..
-ياعم رشوة ايه اللى ب3جنيه دى دول مش رشوة دول مني ليك..
-انت بتبقشيش ع الحكومة انت اتجننت..
-لا والله مااقصد اقولك دول تبرع منى لصندوق تحيا مصر حلو كده..
-لا مش حلو هو الصندوق بيشحت احنا مش بنقبل اقل من خمسة..
-خمسة جنيه طب هجيبلك اتنين جنيه منين دلوقتى
-خمسة جنيه ايه يااستاذ خمسة الاف جنيه..
-طب خلاص انا اسف انا هقعد جنبك استنى الفكة هو المسدس اللى جنبك ده حقيقي والا مياه..؟
-لا حقيقي طبعا..
-طب ورينى كده…
-اتفضل..
-طررررراخ طرررراخ…

اضف رد

لن يتم نشر البريد الإلكتروني . الحقول المطلوبة مشار لها بـ *

*