.

.

مصطفى محمد يكتب: التهمة مواطن مصرى

1 min read

مصطفى محمد يكتب: التهمة مواطن مصرى

مرة روحت أخلص مصلحة فى مجمع التحرير الساعة الحادية عشر صباحا دخلت على الموظفة لاقيتها بتاكل بالهنا والشفا قالت لى حاجة أنا مش فاهمها لحد دلوقتى ” حد يجى دلوقتى” رديت عليها قولت لها أنا أسف إنى جيت لحضرتك وإنتى بتفطرى قالت لى أنا مش على الفطار أنا على الميعاد اللى إنتى جاى فيه خوفت أقولها حاجة تانى لتقوم تدينى بالدماغ..بس افتكرت عبقرية الأستاذ حيد حامد فى تشريح المجمع ببراعة فى الفيلم العالمى من وجهة نظرى” الإرهاب والكباب” ..خلينى أقولك إن الإعلاميين فى مصرأنواع  الطبالين والندابين واللى ماسكين العصايه من النص ..أنا بقى مع كامل إحترامى للناس دى مش هأضلل الناس هأتكلم عن إنجازات مش موجوده ومش هأحط السم فى العسل وألعب على وتر أوجاع الناس وأقعد أنفخ فى أوجاعهم ومش هأمسك العصايه من النص وأقول اللى على مزاج كل واحد شوية ..لو عاوزين نحل مشاكلنا يبقى لازم نواجه ونعترف بالحقيقة ..الموظف اللى كاره نفسه وبيقعد يشخط فيك لمجرد إنك جاى تخلص مصلحتك وكإنه بيجبى عليك طب ياسيدى إنت كاره الشغلانه أحنا ذنبنا أيه ياتشتغل بذمة ياتشوف غيرها بس إوعى تختار الحل الأسهل وترتشى زى زمايلك ..لو جيت تبص على مشاكل البلد دى وفكرت تبدأ منين هتحتار ..ساعات بحس إن الميزانيات التى يتم تخصيصها معظمها بيروح مرتبات لكبار الموظفين أزاى ؟! أنا أقولك أزاى  ..كلنا متفقين إن لو عاوزين نبدأ صح فى حل مشاكل البلد يبقى نركز على التعليم والصحة طيب بالنسبة للتعليم..التعليم فى موازنة 2017/2018 وفقا لكلام الحكومة تم تخصيص حوالى 141 مليار جنيها لهذا الغرض ده فيما يخص التعليم قبل الجامعى وإذا  استبعدنا أجور العاملين فى قطاع التعليم من الموازنة يتبقى حوالى 22.9 مليار جنيه هى كل ما ينفق على العملية التعليمية بخلاف المرتبات، وإذا عرفنا أن عدد الطلاب فى مصر فى مراحل التعليم قبل الجامعى (الحكومى) بمختلف أنواعها من تعليم عام وأزهرى وفنى هو 19 مليون و832 ألف و315 طالب، خلال السنة المالية 2015/2016 طبقا لبيانات كتاب الإحصاء السنوى الصادر فى سبتمبر عام 2017 عن الجهاز المركزى للتعبئة العامة والإحصاء، بخلاف حوالى 2 مليون و230 ألف و314 طالب فى التعليم الجامعى الحكومى. فهذا يعنى أن نصيب الطالب أو التلميذ بمدارس وجامعات الحكومة من موازنة التعليم هذا العام 104 جنيه تقريبا على مدار العام. وبدون استبعاد أجور العاملين بقطاع التعليم، فإن نصيب الطالب أو التلميذ بمراحل التعليم الحكومى المختلفة من الموازنة البالغ قيمتها 107 مليار جنيه، يصل إلى 4853 جنيه سنويا. وهى محملة بتكلفة أجور المعلمين والإداريين وكافة العاملين بقطاع التعليم الحكومى. يعنى أجور الموظفين بتاخد 78% من الميزانية المخصصة للتعليم..طيب ياعم أزاى هندى الطالب حقه ونحل مشكلة كادر المعلمين وفقا لكلام طارق شوقى زير التربية والتعليم إنه اقنع لجنة الخطة الموازنة فى مجلس النواب بزيادة ميزانية التعليم 82 مليار جنيه عشان كادر المعلم وباقى أطراف المنظومة ..طيب حضرتك كمواطن حسيت بحاجة لأ أبدا طيب شكرا طيب بالنسبة للصحة .حضرتك وفقا لأرقام الموازنة تم زيادة ميزانية الصحة السنة عن السنين اللى فاتت يعنى السنة دى 61.8 مليار جنيه والسنة اللى فاتت كان 54.9 مليار جنيه بلغت الزيادة الجديدة حوالى 7 مليارات جنيه، ولكن الدعم الحكومى المخصص للتأمين الصحى وشراء الأدوية بمشروع الموازنة والذى بلغ هذا العام نحو 3.340 مليار جنيه.يأتي ذلك مقابل 3.828 مليار جنيه خلال موازنة العامة الماضى (2017/ 2018)، بفارق 500 مليون جنيه يعنى اللى يخصك من ميزانية الصحة وهو التأمين الصحى والدواء المخصص ليهم قل ..كل الأرقام اللى صدعتك بيها متهمنيش أنا اللى يهمنى إنت كمواطن حسيت بأى تغير للأحسن طب شايف فى أمل ..حرصا على سلامتك شكرا إجابتك وصلت

كلمة أخيرة

أتحدى أى مرشح نازل فى الإنتخابات البرلمانية لو الناس نزلت وهو جرب ميشتريش أصواتهم .. أتحداه لو نجح .. بس نقول أيه أهو كله بيسترزق

mostafa.mohamed218@yahoo.com

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE