.

.

مصطفى محمد يكتب:هم يضحك وهم يبكى

1 min read

مصطفى محمد يكتب:هم يضحك وهم يبكى

مرة كنت قاعد فى قهوة فلفت إنتباهى شخص يتحدث بحماس يقترب من العصبية مخاطبا عدد كبير من الناس إنتم عارفين فلان بيه بيعمل أيه عشانكم ده مش بينام ..فلان بيه بياخد اعتمادات بيبلطلكوا الشوارع فلان بيه بيشيل اللقمة من بقوا ويحطها فى بقكم ” قولت فى بالى الله يقرفك ويقرف فلان بيه ” المهم فضل مكمل فلان بيه بيتشتم وبيتهان ده ممكن يحبسكم بس الراجل محترم خايف عليكم
المهم سألت على فلان بيه لقيته نائب الدائرة ..سألت على الأخ اللى كان بيدافع عن فلان بيه وقولت أكيد من الدائرة ومستمتع بخدمات فلان بيه عرفت إنه مش من الدائرة وشغال عند فلان بيه قولت أه طب وفلان بيه نائب خدوم للدرجة دى رد القهوجى قاللى ده راجل إبن تيت
زعلت أوى من زميل كنت أحترم تاريخه المهنى بعيدا عن الكام موضوع بتوع الصحافة الصفراء اللى عملهم المهم زعلت منه أوى لما عرفت إنه مشغل معاه فى فريق العمل ناس وبيقول عليهم صحفيين وهم يحملون الدبلوم لمجرد أنهم يعملون مع ممول الجريدة وهم لا دراسة ولا موهبة معقول للدرجة دى الفلوس بتذل النفوس
الألقاب مش بالفلوس حتى لو بنعانى من ده دلوقتى يعنى متجيش تصوت فى وشى وتقول أنا إعلامى وأنا عارف إن أكبر شهادة حصلت عليها الدبلوم وروحت دفعت ألف جنيه لواحد عشان يكتبلك لقب مش موجود أصلا عندنا فى المهنة والراجل اللى كتبلك كده أصلا هربان دلوقتى
من فترة كنت شغال على موضوع بالمستندات اتصل بيا واحد قاللى فلان بيه هيرفع عليك قضية سب وقذف وهيغرمك مش عارف كام ألف جنيه قولت له خليه يعمل كده افتكرت القصة دى لأنى شغال الأيام دى على موضوع بالمستندات على نائب برلمانى معايا عليه مستندات تشيب بمنتهى البساطة هأنشرها وهأوريها للأمين العام والأمين العام المساعد لحزبه لأنهم أصدقائى ولما يفصلوه من الحزب يبقى ميشتريش أصوات ويورينا شعبيته بس سيبك انت مستندات تشيب ..لما حد بيقول هأحبس بفتكر فيلم ” إبن حميدو” لإسماعيل يس وهو بيقول فتشنى فتش” ببقى عاوز أقول ” إحبسنى إحبس”

 

كلمة أخيرة

لاتقلق من تدابير البشر فأقصى مايستطيعون فعله معك هو تنفيذ إرادة الله” محمد متولى الشعراوى”

إذا بليتم فإستتروا

mostafa.mohamed218@yahoo.com

 

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE