أخر الأخبار
الرئيسية » تقارير » حل مشكلك….. (اكتشف المرض مبكرا)

حل مشكلك….. (اكتشف المرض مبكرا)

حل مشكلك….. (اكتشف المرض مبكرا)
كتب/ مصطفى بن سلام
رسال من احدى الاعضاء على وسائل التواصل الاجتماعي تريد نشر رسالتها لذ قررت أن انقل النص كما هو شأن الله جميعاً.
نص الرسالة:
من يومين جاتلي بنت عندها 27 سنة وحست بـ كلكوعة في الثدي .. وأنا بفحصها مكنتش مبسوط ، كانت الكلكيعة مُقلقة شوية ومتشعبة ، طبعا كان في نسبة شك عالية انها تكون بؤرة سرطانية ، المهم وهي قاعدة في العيادة قالتلي ان معدتها تعباها عشان بتاخد مسكنات كتير ، سألتها بتاخدي ليه مسكنات كتير ؟؟
قالتلي عشان ضهري بيوجعني جدا بقاله شهر طبعا انا شكيت أكتر ، بعتها تعمل الفحوصات اللازمة طلع عندها ورم سرطاني بالثدي من المرحلة الرابعة ومنتشر في الجسم كله بما فيه الفقرات بتاعت الظهر اللي هي مسببالها وجع الضهر ، طبعا مأساة لان نسب الشفاء بالنسبة لها منعدمة تقريبا ، واللي يزعلك أكتر انها زوجة حديثة وعندها طفلين زي الورد ، طبعا هي محدش قالها قبل كدة انها لازم تفحص نفسها شهريا ، وانها لازم تحسس منطقة الثدي كل شهر ابتداء من سن البلوغ ، طبعا لو كانت عملت كدة كان ممكن نكتشف الورم ده من سنة وكان زمانها عملت عملية صغيرة خالص شيلنا الورم وكمان حافظنا على الثدي بالكامل ، طبعا التوعية والثقافة ديه دور الدولة ، أنا وجدت انه من واجبي اعمل التوعية ديه في حدود امكانياتي ، يمكن أقدر أنقذ روح انسان ، لازم اي ست او بنت يشوفوا البوست ده ، امك واختك ومراتك يمكن فعلا تشارك في انقاذ روح.

اضف رد

لن يتم نشر البريد الإلكتروني . الحقول المطلوبة مشار لها بـ *

*