أخر الأخبار
الرئيسية » ثقافة » قصيدة : شايلك يا مصر

قصيدة : شايلك يا مصر

شايلك يا مصر على كتافى
و بلف في العالم حافي
متغطي بالشعب و جيشك
و بأيدي هاخبزلك عيشك
……..
أنا جندي واقف فوق أرضك
أحمي الحدود و بصون عرضك
و بدمي أسقيلك وردك
ولا يوم أشمت أعاديكى
……..
تلميذ و رايح مدرستي
راسم العلم على كراستي
ماسك القلم هو رصاصتي
و بعلمي بكرة هعليكي
……..
أنا مصري شارب من نيلك
لو فين أروح لازم أجيلك
أرتاح في أرضي و أغنيلك
توب الفرح جاي أهديكي

شعر: محمد مصطفى أمين

اضف رد

لن يتم نشر البريد الإلكتروني . الحقول المطلوبة مشار لها بـ *

*