أخر الأخبار
الرئيسية » عاجل » مصطفى محمد يكتب: لخبطه

مصطفى محمد يكتب: لخبطه

مصطفى محمد يكتب: لخبطه

لو عاوزين ننجح وعاوزين البلد دى تروح فى حته تانيه لازم يبقى عندنا قدرة على المواجهة ..لازم نعمل أى حاجة وكل حاجة عشان منخليش الفاسدين يتصدروا المشهد ..عاوزين البلد تتقدم أزاى لما يبقى فيه  عضو مجلس نواب محامى ومع ذلك عضو فاشل نحنوح وصاحب مزاج فى الشرب والنسوان  ومتجوز عرفى وعنده إبن مش عاوز يعترف بيه مشغل عنده واحد كان بيهاجمه عشان يبتزه ولما اداله الظرف التمام بقى من رجالته وبيطبله ..عاوزين البلد تنجح أزاى و الجمعيات الخيرية فيها بتاجر بأوجاع الناس ..دى تشيل مدير جمعيتها يبتزها ترجعه تانى ماهو عارف الأسرار والكواليس بقى تاخد تمويلات من تاجر السلاح اللى عنده علاقات من الشرق والغرب اللى بتليفون منه ينزل معاها نائب أوأتنين من مجلس النواب بس سيبك إنت الكافيه بتاعه أبو 3 أدوار القاعدة فيه ترد الروح   ودى تضرب فى الجمعيات التانيه عشان توسع لنفسها وده فاكر نفسه ملك الميديا وهو بيحب شغل الدعارة يتجوز دى يعمل بيها علاقات جرايد وشركات إنتاج يطلقها ويخش فى حوار الجمعيات.. اللى بيتكلموا عن الشرف هما اللى بيشتغلوا فى الدعارة بإمتياز واللى بيحاربوا الفساد هما أساس الفساد  ..الفترة اللى فاتت جاتللى مستندات عن التمويلات المشبوهة للجمعيات الخيرية تشيب..أطفال مين يا إبنى إنت وهو اللى بتساعدوهم وبتسعدوهم .. زمان محمد على لقى إن فيه 300 ألف متشرد ومتشردة فى شوارع مصر من الإسكندرية إلى أسوان اعتقلهم فى معسكر فى الكلية الحربية التى أنشأها  فى أسوان .. إعتقلهم ثلاث سنوات وأمر سليمان باشا الفرنساوى أن يأتى بأعظم المدربين الفرنسيين فى شتى المهن والحرف اليدوية  فخرج منهم أمهر الصنيعية  فى تاريخ مصر وبالمناسبة كان من بينهم والد عبدالله النديم الذى عينه محمد على  رئيسا للنجارين فى الأسطول البحرى وأستعان محمد على بالنوابغ منهم فى بناء مصر الحديثة وارسل بعضهم إلى الدول التى تفتقر  للحرف التى تعلموها  وأنشأ لهم الموانىء لكى يقدموا انتاجهم للدول المطلة على البحر المتوسط

كلمة أخيرة

هذا الوقت سيمضى

mostafa.mohamed218@yahoo.com

 

اضف رد

لن يتم نشر البريد الإلكتروني . الحقول المطلوبة مشار لها بـ *

*