أخر الأخبار
الرئيسية » عاجل » مصطفى محمد يكتب: عافر

مصطفى محمد يكتب: عافر

مصطفى محمد يكتب: عافر

يقول الشيخ الشعراوى رحمه الله عليه” القلق لا يغير شىء ولكن الثقة بالله تغير كل شىء”..مرة سألنى واحد صاحبى ” هو أنت يامصطفى مش بتزعل زينا” ضحكت وقولت له ” إشمعنى؟” رد قاللى ” أصل عمرى ماشوفتك زعلان” ضحكت وقولت له” لأ ياسيدى بزعل زيكم بس الموضوع ليه علاقة بطريقة إدارة كل واحد لحياته وطريقة تعامله أصلا مع الحياة أنا كمصطفى عندى شعار مهم جدا فى حياتى  وهو أنا أكبر من أى تحدى وأقوى من أى ظروف ثقتى فى المولى عزوجل وفى نفسى لاتهتز أبدا مهما حدث الحياة علمتنى إن التردد بيقتل الأشياء الجميلة الحسم مطلوب طول الوقت زمان مش زمان أوى وأنا فى الثانوية العامة وبالتحديدقبل إمتحانات الثانوية العامة بشهر الزائدة الدودية بتاعتى انفجرت دخلت عملت عملية الدى خيرنى قاللى تمتحن ولا نأجل الإمتحان السنة دى قولت لأ هأمتحن و فى 2004 حصلت على بكالوريس الإعلام قسم الصحافة كنت قدام إختيارين يا إما أحضر ماجستير وبعد كده دكتوراه وأبقى دكتور جامعى فى الإعلام  يا إما أشتغل صحفى وأنغمس فى الحياة العملية ..أخترت الإختيار التانى وقولت مش هأسيب حلم التدريس برضه فى 2005 سيبت الصحافة وإشتغلت بعيد عن المجال شوية كان عندى التزامات مادية كبيرة كنت عاوز استقل بذاتى فى 2006 قلت يا إما أكمل بعيد عن الصحافة  يا إما أرجعلها  .. قررت أرجعلها  ..فى 2008 تعبت من كتر  الجرى والتنطيط وكان لازم أختار أكمل ولا أسيب الصحافة خالص قررت أكمل فى 2009 حصلت على عضوية نقابة الصحفيين جدول تحت التمرين وفى 2010 إنتقلت إلى جدول المشتغلين  وفى 2012 أسست نقابة الإعلاميين المستقلين وبقيت أدرس صحافة للأجيال الجديدة ..كل اللى فات ده مش الغرض منه إنى أكلمك عن قصة حياتى لكن عاوز أقولك لو عاوز تنجح فى حياتك لازم تحسم متضيعش وقتك فى التردد لازم تشوف الخط الفاصل بين الأمور وبعضها بين الشجاعة والتهور بين القوة والبطش بين الحيطةو الجبن.. إوعى تندم على أى قرار خدته فى حياتك مامضى قد مضى

كلمة أخيرة  

النضال بالأفكار أشق كثيرا من النضال بالأسلحة

mostafa.mohamed218@yahoo.com

اضف رد

لن يتم نشر البريد الإلكتروني . الحقول المطلوبة مشار لها بـ *

*