قصيدة”مش حب عادي”

انا مش بحبك حب عادي
انا حبي اقوى من الهوا…
اللي استوى على نار بتلسع
اي حد يكون سليط على حبنا
ايوه انا اللي اشتريتك بالدموع
واللي بنيت لك قصر عالي
من خيالي بحر مالي
وأسالوا عني تاريخ 7000 سنه
يا قلبنا ياللي التحمل فطرة فيك
ياللي التغلب على الحالات الصعبه
كل هواياتك
اثبت لها اثبت لكل الدنيا اني بحبها
مش حب عادي
حب فوق كل التصور
حب عده المستحيل
حب فاق كل احلام الصبايا
حب متواصل مالوش ابدا نهايه
حب زي الشمس باين
زي قمرة ليله حلوه في الجناين
زي كلمه ماما لما بيقولها الصغير
اثبت لها حب الجنوني
لكل حاجه جميله فيها او بسيطه
اثبت لها انك فداها و قدها
انك حاميها و سدها
اثبت لها اني الشهيد علي ارضها
واني اللي دافع مهرها
وان حبك يا بلادي
مش حب عادي

شعر: محمد مصطفى أمين

Author: Mostafa Mohamed

صحفى شاب عضو نقابة الصحفيين جدول المشتغلين رئيس تحرير جريدة بتوقيت مصر مواليد 7 يوليو 1983

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *