أخر الأخبار
الرئيسية » ثقافة »  قصيدة “وزان الكلام”

 قصيدة “وزان الكلام”

 


……………………
وزان الكلام بيقسم
في كل كفه نوع
بيوزن الجد وحده
والهلس واحده ف كوم
لما بيوزن كرامه
بيخلي الميزان وافي
اصل الكرامه أيامه
عند اللي بيوافي
وأما تاجر الهلفطه
معروف من يومه
بيعبي منها ف زكايب
ويرص ويستف
والهلس يملي الكفف
بس الميزان فاضي
وزان الكلام مظلوم
وكمان بيتحاكم
وتهمة ياناس
وزن الكلام كله
ولما راح المحكمه
أم برئه القاضي
ميزان الكلام بيطب
ولكل بياع وزن
اصل الكلام أنواع
والرك علي الشاري
فيه ناس تحب الكلام
اللي ملوش فايده
وناس تبيع عمرها
علي كلمه تيجي بفايده
مدرس العربي
حافظ قواعد النحو
بيشكل الجمله
يعربها حرف بحرف
عارف حدود الماضي
والأمر لصاحب الأمر
وفي المضارع يابارع
وإنَ وأخواتها
أما حروف الجر
هتجرها علي فين
دا لكل حرف ثمن
ولكل كلمه كيل
هو ميزان الدهب
زي ميزان الطين
لوعندكم م الجد
بالكيله أنا شاري
وبالقيراط اشتري
لو الف فداني
دا حتي علي رأي المثل
لو بعت أنا شاري
لو بعت أنا شاري
……………….
شعر : أحمد الكومي

اضف رد

لن يتم نشر البريد الإلكتروني . الحقول المطلوبة مشار لها بـ *

*