.

.

قصيدة “لازم أتعلم أسرق”

ما تيجي نتعلم السرقه
ونسرق م الزمن أحلام
ونخطفها ونجري بعيد
نشوف فيها جمال العيد
ونمشي بعيد عن العالم
ونعمل كل شئ بجنون
نعيش عالم جرئ مجنون
ونهرب م الحقيقه ساعات
تعوضنا مأسي سنين
وننسي مرار متخزن
وطعمه اللي يسم الفرح
ونبعد عن ظروف صعبه
بتحكمنا بقانون مش صح
مايعرف يعني ايه إحساس
قانون إسمه كلام الناس
مايعرف يعني أيه رحمه
بيستعبد قلوب العشق
يخنقها ويبعدها ويقتلها
عشان متقولش يوم فيه حب
وانا بيكي راح اتحدي
وللعشاق هكون فارس
وأكون القيصر الأمر
وأمسك سيفي وأحارب
ليالي الوحده وألامها
وأركب مهرتي وارمح
ألف في ساحة العشاق
وأقول إسمي أنا الكومي
بطل أبطال حكاوي العشق
ويحكوا حكايتي للعشاق
يغنوها كلام مواويل
يقولوا عني حب بجد
وخلي حبيبه يسكن فيه
وداس علي الفرقه و فرمها
كمان خلي الزمن غفلان
وخطف الحلم من جيبه
وكتف إيده وري ظهره
وقال هسرق يناس محتاج
للحظة فرحه لو واحده
وبعديها اتوب وارجع
وابطل سرقه واستكفي
بحلمي اللي انا عشته
ولو رجع الزمن تاني
لازم أتعلم السرقه
لازم اتعلم السرقه

شعر :أحمد الكومي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE