أخر الأخبار
الرئيسية » عاجل » مصطفى محمد يكتب:أحب المفاجأت

مصطفى محمد يكتب:أحب المفاجأت

مصطفى محمد يكتب:أحب المفاجأت

عام 2008 عام محورى أوى فى حياتى لأنى كان بقالى اربع سنين متخرج  وكنت بتنطط شمال ويمين فى الصحافة وكنت بسعى للحلم الأول لينا كخريجى إعلام  وهو عضوية نقابة الصحفيين وحطيت خطة زمنية ووقفت وقفة مع نفسى  وقلت أنا لو  مخدتش عضوية النقابة فى خلال سنة هأروح أشتغل شغلانه تانيه  طبعا كنت بستفز نفسى للمضى قدما نحو تحقيق الحلم وإشتغلت فى جريدة الجماهير اللى بيملكها معتز كمال الشاذلى وهناك قابلت الأستاذ محمود خليل رئيس التحرير التنفيذى لبرنامج مصر الجديدة بتاع معتز الدمرداش وخلانى أغطى أخبار محافظة الجيزة وساعتها صدر قرار إن 6 أكتوبر تبقى محافظة العاصمة تبقى المدينة وتضم بعض قرى ومراكز الجيزة زى الحوامدية والبدرشين والعياط وعملت مغامرات كتير واتحمست  أكتر وروحت اشتغلت فى جريدة شباب مصر ساعتها اكتشفت إن فيه مشرف فى دار إيتام بيغتصب أطفال الدار وعامل عصابة شكلها من الأولاد الذين تخطوا السن القانونى والذين من المفترض يحصلون من الدار على دفتر توفير لهم ويتركون الدار إلا أنه كان يستولى على دفاترهم ويجعلهم يقيموا فى الدار ويتستروا على فساده ناهيك عن تستره هو عن حالات الزنى التى كانت  تحدث يوميا نتيجة اختلاط شباب وبنات الدار  عندما سمعت عن كل هذا الفساد قررت أن أخوض مغامرة فتشت أكثر عن كواليس ما يحدث فإكتشفت أن والدة هذا المشرف عضوة مجلس إدارة فى الدار .. راقبت الدار من بعيد وسألت كل المحلات والسكان المحيطين بالدار فأكدوا لى المعلومات التى حصلت عليها لكن  كان هناك  عدة عقبات أولها أن المشرف يؤمن نفسه من خلال وضع مجموعة  من الشباب الذين من المفترض أن يتركوا الدارلتخطيهم السن القانونى مقابل أن يجعلهم يقيموا فى الدار وظيفتهم أن يرهبوا أى شخص يقترب من الدار لغرض ما ويوهمهم مشرف الدار أن أى شخص يقترب من الدار سوف يكتشف الحقيقة سوف يكون مصيركم الشارع المهم قفزت داخل الدار وصورت كواليس كتير ورصدت مهازل أكثر  أثناء رحلة خروجى إكتشف أحدهم وجودى بالدار فقام بتسليمى لمشرف الدار ودار بينا حوار ممتع

هو: بص أنا مش هاخد منك الصور وهأسيبك بس لو راجل نزلها

أنا: أنا هأنزلها وأوعدك إن نهايتك هتبقى على ايدى

هو بسخرية:إنت  ..إنت مش شايف جسمك عامل أزاى ده أنت مفكش نفخة

أنا ماهو ياعم الوحش أنا مش جاى جيم ولو الموضوع بالجسم مكانش الديناصور انقرض

هو: طب عموما أن مستنى

أنا: أوعدك إنك مش هتستنى كتير

هو بسخرية: ماشى

أنا بسخرية: لأ ماشى فين أنا اللى ماشى عشان وقتك خلص

بعدها ببضعة أيام تواصلت مع صحفى كبير وعملنا له كمين وتم القبض عليه

وبعدها بعام  بالتحديد فى نوفمبر 2009 حصلت على عضوية نقابة الصحفيين جدول تحت التمرين من جريدة شباب مصر وفى ديسمبر 2010  أصبحت فى جدول المشتغلين وفى عام 2015 كتبت رواية بعنوان ” المنقذ” تدور أحداثها حل صحفى يعشق المغامرات يدخل فى صدامات متنوعة وفى 2016 كتبت للرواية السيناريو والحوار ونفذتها كفيلم روائى طويل

كلمة أخيرة

لا يجوز تهديدى بالجحيم..الجحيم منطقة سياحية بالنسبة لى

اضف رد

لن يتم نشر البريد الإلكتروني . الحقول المطلوبة مشار لها بـ *

*