أخر الأخبار
الرئيسية » رياضة » معوض يكشف كواليس ويفتح النار: هناك لاعبين بالأهلي يصطنعوا الأزمات واتكافئوا على حاجات معملوهاش

معوض يكشف كواليس ويفتح النار: هناك لاعبين بالأهلي يصطنعوا الأزمات واتكافئوا على حاجات معملوهاش

حمّل سيد معوض، نجم النادي الأهلي السابق لاعبو الفريق الأول بالمارد الأحمر بالوقت الحالي مسئولية النتائج السلبية التي يحققها الفريق بالفترة الأخيرة، مُشيرًا إلى أن اللاعبين الحاليين افتقدوا للروح.

وأوضح معوض أن هناك بعض اللاعبين في النادي الأهلي بالوقت يتسببون في أزمات ومشاكل للفريق الأول في حالة عدم مشاركتهم بصفة أساسية، موضحًا أن التجديد لبعض اللاعبين كانت خطوة خاطئة.

وقال معوض خلال تصريحاته لإذاعة أون سبورت اف ام :”اللاعيبة دي 4 سنين جوا النادي وبتخسر نهائي افريقيا مرتين بنفس الطريقة، وكل حاجة اتغيرت حواليهم من أجهزة فنية ومجالس إدارات ولجان كرة ماعدا هما، يبقى الأزمة فين؟”.

وأضاف المدرب بالجهاز الفني الأسبق للنادي الأهلي :”الجمهور هيقف ورا اللاعيبة ولكن هيجي فترة لن يسمح بسقوط الفريق، اللاعيبة مش قلقانة، الروح مش موجودة وكل حاجة عندهم عادي حتى لو خسروا افريقيا”.

وتابع :”سليمان وفتحي وعاشور خليهم على جنب، في اسوء الظروف بيأدوا، فيه مجموعة تانية بعيدة جدا، اللاعيبة دي عاشرتها، لما ما بيلعبوش بيرغوا كتير وبيتكلموا كتير وبيطالبوا بحاجات كتير جدا وفي الاخر مبتشوفش حاجة في الملعب”.

وأتم سيد معوض تصريحاته قائلًا :”اخطأنا في حاجات كتير جدا، فيه لاعيبه جددت للنادي وهي مالهاش دور، اتكافئوا على حاجات معملوهاش، كل الظروف دي ساعدت للي وصلنا ليه دلوقتي”.

اضف رد

لن يتم نشر البريد الإلكتروني . الحقول المطلوبة مشار لها بـ *

*