أخر الأخبار
الرئيسية » محافظات » عمرو خفاجي يكتب… بطل قومي في الظل

عمرو خفاجي يكتب… بطل قومي في الظل

بطل في الظل
………
كتب عمرو خفاجي
………..
ناظر محطة قطار سمالوط في المنيا .. أنقذ بلد باكملها من كارثة يوم امس و مش مبالغة لو قلت انه أنقذ مصر كلها ،

قصة البطولة

محطة قطار بينها وبين البيوت شارع 10 متر .. انتظر فيها قطار صهاريج محملة بالسولار.. الصهريج الواحد به 40 طن سولار …

ناظر المحطة رآى دخان من احد الصهاريج.. هرول لفصل الصهاريج الغير مشتعلة وابعادها بالسماح للسائق بالسير مسافة 300 متر ، وبالفعل نجح في فصل 22 صهريج وتم قطرهم بعيد …
في الوقت ده .. كانت النار مسكت في الصهريج ..،لكنه واصل فصل الصهريج المشتعل عن باقي الصهاريج المتبقية ( المشتعلة كانت في منتصف القطار تقريبا وكان نجح في فصل اللي في المقدمة ) ….

الصهريج المشتعل .. السولار وصل لدرجه الغليان داخل الصهريج و يتناثر السولار المغلي من فتحات الصهريج .. في الوقت اللي كان هو بيعمل فيه علي فصله عن الصهاريج المتبقية .. النار مسكت في الراجل واترمي علي الأرض يطفي نفسه وساعده راجل واحد بإنه خلع جلبابه ليطفي النار الذي امسكت بالراجل …

الناظر تم اطفاؤه ، و قام ليكمل فصل الصهريج و نجح …

وصل المستشفي بحروق نسبتها 45% …

الراجل أنقذ بلد بأكملها .. كان السولار ده اللي بالكمية المهولة دي .. ممكن يسرح في البيوت والزراعات….

كام روح انقذها (بشر و حيوانات) ..كام منزل.. قد ايه تكلفة البنية اللي كانت هتدمر (محطة و كابلات و عربيات و منازل وتعطل حركة و أشغال وأعمال وسفر و و و ) .. كام أسرة في الشارع .. كام مصاب …..

بطل قومي بحق ويستحق التكريم

اضف رد

لن يتم نشر البريد الإلكتروني . الحقول المطلوبة مشار لها بـ *

*