.

.

مصطفى محمد يكتب : أيام البرد والدموع”3″

مصطفى محمد يكتب : أيام البرد والدموع”3″

مرسى …السيسى ….كل اللى يجى يحلم ويشوف منامات يا أما الناس تحلم له وتشوف له منامات ..محدش يجى يحلم للناس ويحقق أحلامهم ..
مازلت أكتب عن النماذج التى تستحق أن أكتب عنها…إمبارح وأنا راجع البيت الساعة 2 صباحا عديت على “مطعم الريس” وجدته يقف أمام طاسة على النار والزيت يغلى ينظر إلى السماء ويفرك يداه ويقربها من الزيت فندهت عليه ” بقولك يانجم” عندك طعمية” ردفارحا ” عندى ياباشا” اقتربت منه طب عندك بكام قاللى عندى إن شا الله ب100 جنيه ضحكت وقولت له هو ب3 جنيه عنب أوى وقفت أدردش معه وهو يقلى الطعمية سألته عن أسمه قال ” سيد ” وسألته عندك عيال يا أبو السيد قال أه عمر 9 سنين وحبيبة اربع سنين ونص قولت له هو المطعم شغال 24 ساعة ولا أيه قاللى أه بس أنا بستلم بالليل …بعد قليل جاء شابان” عمليين دماغ” وقالوا له بقولك يانجم عايزين ب2 جنيه طعمية نص سوى لم أستطع تمالك نفسى وضحكت بشدة لأن منظرهما كان يثير الشفقة والضحك معا المهم أخرج الطعمية وأستعديت لوضع الطعمية فى القرطاس فإذا بها تقع فضحكت وقولت لهم هو أنتوا تعملوا دماغ والطعمية تتسطل فجأة أصيبت بدوخة خفيفة وداعبتهم وواضح إنى أنا كمان أتسطلت هو أنتوا عملتوا دماغ بكام ردوا بعشرين جنيه …رديت عليهم خلاص يارجالة بما إنى أتسطلت وأنا واقف جنبكم يبقى أنا أدفع 10 جنيه وقفا متسمرين مكانهما …رديت محاولا شرح ما أقول ضحكت قولت لهم مش أنتوا عملتوا دماغ قالوا أه رديت وأنا أتسطلت وأنا واقف جنبكم قالوا أه …رديت يبقى أنا أستفدت من دماغكم يبقى أساهم معاكم فسيطر الضحك على المكان وضحك سيد بشدة…متعة خاصة عندما تساهم فى سعادة شخص مكافح…الإبتسامة تعنى له الكثير

كلمة أخيرة

حكمة اليوم وكل يوم اللى يمشى ورا كلام النسوان ويصدقه  يستاهل اللى يجراله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Optimization WordPress Plugins & Solutions by W3 EDGE