الرئيسية / عاجل / مصطفى محمد يكتب : رحلة

مصطفى محمد يكتب : رحلة

 

متعة الحياة فى تنوعها متقدرش تحكم عليها إنها  لون واحد كل واحد فينا بيختار طريقته وأسلوبه فى التعامل معاها لما أخترت الصحافة كنت عارف إن الشغلانه زى  أى شغلانه تانيه ليها ضريبة وضريبة الشغلانه بتاعتنا إنك لو إخترت تنتقد أى حد فاسد فساد من أى  نوع لازم تبقى متوقع إنك عرضة لأى أذى فى أى وقت أنا طول الوقت لما بتكلم عن حد فى مقال رأى أو خبر أو تحقيق ببقى متوقع رد فعله لما بنتقد حد ده مش معناه إنى بحتكر المثالية على نفسى لكن أتحدى أى حد يقدر يطلعنى غلطان فى أى إنتقاد إنتقدته لحد أنا طول الوقت بحاول أحط نفسى مكان الطرف اللى بنتقده وبدرس الظروف المحيطة بيه والدوافع اللى بتخليه يتصرف التصرفات اللى بنتقدها وطريقة إدارته للمواقف فلما بلاقى إنه عاوز يبقى فاسد بكامل إرادته بيبقى صعب اسكت عن فساده هأرجع وأقول تانى ده مش معناه إنى الواد الصح اللى مبغلطش بس غلط عن غلط يفرق  طول الوقت مركز ساعات برد على حاجات وساعات بسيب حاجات مبردش عليها لأنى ببقى متيقن إن الحقيقة هتبان هتبان  والكدب عمره قصير من غير فلسفة تعالى نتكلم ونحلل شخصية أى حد أنا إنتقدته هتلاقي مثلا انصاره كدابين زفة وتنابلة سلطان ومنتفعين اللى لو اللى بنتقده ده مش بيفيد اللى حواليه عمرهم ماهيبقوا فى ضهره  وهيدورا على غيره من حق أى حد يدافع عن أى حد ومن حقى إنى أنتقد أى حد فاسد  لأنى فى الأول والأخر عمرى ماتجنيت على حد أنا طول الوقت بقول فلان ده فاسد والدليل على ده كذا  عمرى ماقولت إن فلان فاسد عشان شكله مش عاجبنى محدش يقوللى كل واحد من حقه يدافع عن مصالحه تعالى احط نفسى مكان أى حد لو حد جه وقال أنا هأقفل جريدة بتوقيت مصر  والله لو اقنعنى عن أسباب غلقها هأقوله تعالى إتفضل إقفلها لكن فكرة إنى أدافع عن الغلط لمجرد إنه بيتماشى مع مصالحى دى فكرة سخيفة فى حد ذاتها لو كل واحد عرف إن اللى بيغلط لازم يتحاسب عمره ما هيغلط وهيفكر ألف مرة قبل مايعمل حاجة غلط ..لما حد يقوللى فلان ولاعلان بيكرهوك دى حاجة متزعلنيش بس الكلام يبقى هو بيكرهنى ولا بتكرهنى ليه فتش عن الأسباب فى رحلتك فى الحياة ساعات بتفضل حد عن حد لإعتبارات متعلقة بذوقك وقناعاتك   وإنك بتختار اللى يليق بيك فالشىء المنتظر إنك أى حد إنت ما إخترتوش هيطلع فيك القطط الفاطسه وهتبقى هوايته المفضلة إنه ينسج روايات من وحى خياله وماله أيه المشكلة لو ده بيريح أعصابه سيبه ولو عجبتك قصة من القصص اللى بيألفها عليك خدها إعملها فيلم وابعتله جواب شكر على إسهاماته فى تسلية الجماهير الغريب بقى إن اللى بيختلق عنك قصص ظنا منه إنه بينتقم منك مش مبسوط فى حياته وده بيخليه يكرهك أكتر طب هو المطلوب منك أيه  أكتر من إنك سايبه يألف قصص عليك ويكدب الكدبة ويصدقها المفروض تمثل القصة اللى بيألفها ؟! طب  متزعلش أنا أوحش من الصورة الوحشة اللى إنت رسمتها فى قصصك بس بالراحة على أعصابك شوية

كلمة أخيرة

فى حقيقة الأمر نحن لا نخطط أن نصبح لعنة أبدية فى حياة أحد ولكن البعض من يصنع منا فزاعة لايستطيع التخلص منها حتى أخر لحظة فى حياته

 

عن Mostafa Mohamed

صحفى شاب عضو نقابة الصحفيين جدول المشتغلين رئيس تحرير جريدة بتوقيت مصر مواليد 7 يوليو 1983

اضف رد

لن يتم نشر البريد الإلكتروني . الحقول المطلوبة مشار لها بـ *

*

الأرشيف

يناير 2019
س د ن ث أرب خ ج
« ديسمبر   فبراير »
 1234
567891011
12131415161718
19202122232425
262728293031